اعىمداعى جىلدىڭ قىركۇيەك ايىندا قالادا ۇزىندىعى شامامەن 140 شاقىرىمدى قۇرايتىن 121 كوشەدەگى سىرتقى جارىقتاندىرۋ جەلىسىنىڭ (سجج) قۇرىلىسى اياقتالدى.
الاتاۋ، اۋەزوۆ، جەتىسۋ، مەدەۋ جانە ناۋرىزباي اۋداندارىندا 139 شاقىرىمنان استام جاڭا كابەل جۇرگىزىلىپ، 2 326 تىرەك (باعان) جانە زاماناۋي LED شامدارمەن جابدىقتالعان 4 321 جارىق وشاقتارى سالىندى. قازىرگى ۋاقىتتا سجج تەستىلەۋدەن وتۋدە. جاڭا جىلعا قاراي الاتاۋ، بوستاندىق، جەتىسۋ جانە تۇركسىب اۋداندارىنداعى تاعى 208 كوشەگە 4،8 مىڭ زاماناۋي شامدار ورناتىلادى.
سونىمەن قاتار، مىڭعا جۋىق كوشە مەن 900 اۋلانى قامتيتىن سىرتقى جارىقتاندىرۋ قۇرىلىسى بويىنشا جوبالىق-سمەتالىق قۇجاتتامانى ازىرلەۋ جۇمىستارى باستالدى. جاڭا شامداردىڭ باستى ارتىقشىلىعى سول، شامداردىڭ جارىقتىعى، قىزمەت ەتۋ مەرزىمىنىڭ ۇزاقتىعى، ەنەرگيا تۇتىنۋدىڭ تومەندىگى جانە ەكولوگيالىق قاۋىپسىزدىگى (LED-شامداردىڭ قۇرامىندا زياندى ءارى ءقاۋىپتى زاتتاردىڭ بولماۋى جانە كادەگە جاراتۋدىڭ ارنايى شارتتارىن تالاپ ەتپەيدى).
جارىقديودتى شامدار گازرازريادتى-ناترييلى جانە سىناپتى شامدارمەن سالىستىرعاندا ەلەكتر ەنەرگيانى 1،5 – 2،5 ەسە از تۇتىنادى. قازىرگى قولدانىستاعى شامداردىڭ قىزۋى ءۇشىن بەلگىلى ءبىر ۋاقىت قاجەت بولسا، LED شامدار بىردەن بەرىلگەن رەجيمگە ەنەدى. ال ولاردىڭ مىقتى قۇرىلىمى مەحانيكالىق زاقىمدانۋدان جانە قورشاعان ورتانىڭ اسەرىنەن قورعايدى.
الماتىدا ورناتىلعان جاڭا شامدار تۇستەردى ەرەكشە بەرۋمەن دە ەرەكشەلەنەدى. ونىڭ ەڭ تومەنگى كوەففيسيەنتى 70±10 Ra، ال ناترييلەردە بۇل كورسەتكىش ءۇش ەسە (40-تان 59 Ra-عا دەيىن) تومەن. ياعني، LED شامدار زاتتاردىڭ ءتۇسىن، ءتۇرىن ناقتى ءارى ءدال كورسەتۋمەن ەرەكشەلەنەدى. بۇل كولىك جۇرگىزۋشىلەرى ءۇشىن اسا ماڭىزدى. بۇگىندە الماتى كوشەلەرىندەگى ەنەرگيا ۇنەمدەيتىن جارىقديودتى شامداردىڭ كورسەتكىشى 28% (قالانى جارىقتاندىراتىن 97 مىڭنان استام شامداردىڭ 27 مىڭنان استامى LED شامدار).
قالا اكىمدىگى ازىرلەگەن ءمجا قاعيداتتارىنا سايكەس قالانىڭ سىرتقى جارىقتاندىرىلۋىن جاڭعىرتۋ باعدارلاماسى 2023 جىلعا دەيىن جۇرگىزىلەدى. بۇل باعدارلاما 1 375،15 شاقىرىم جاڭا كابەل جەلىلەرىن جۇرگىزۋدى، 42 052 تىرەكتەردى، سونداي-اق 45 829 LED-شامداردى ورناتۋدى كوزدەيدى، ونىڭ 44 576ء-ى نەگىزگى جانە 1 253ء-ى قوسىمشا تروتۋارلارعا ارنالعان. ەنەرگيا تيىمدىلىگى جوباسىن ىسكە اسىرۋ ارقىلى قالا كوشەلەرىندەگى جارىقتاندىرۋ جۇيەسىنىڭ ەلەكتر ەنەرگيانى تۇتىنۋى كەمىندە 15%-عا تومەندەمەك.
الماتىدا سجج-نى جاڭعىرتۋ جۇمىستارى 2026 جىلى اياقتاۋ جوسپارلانىپ وتىر.
پىكىر قالدىرۋ