بۇگىن الماتى اكىمدىگىنىڭ باسپا ءسوز ورتالىعىندا قوعامدىق دەنساۋلىق باسقارماسىنىڭ باسشىسى قانات توسەكبايەۆ دەنساۋلىق ايلىعىنىڭ قورىتىندىسى تۋرالى ايتتى.

الماتى اكىمى باقىتجان ساعىنتايەۆتىڭ تاپسىرماسى بويىنشا 1-30 تامىز ارالىعىندا قوعامدىق دەنساۋلىق باسقارماسى مەديسينالىق قىزمەتتىڭ قولجەتىمدىلىگى ءۇشىن ءموبيلدى توپتاردى حالىق اراسىنا جىبەرگەن ەدى. مەديسينالىق بريگادالار جاڭا ىقشاماۋدانداردا، بازارلار مەن ساۋدا ورتالىقتارىندا بولدى.

ءىس-شارالار قالانىڭ الپىستان استام شەت ايماقتارىندا جۇرگىزىلدى، ناتيجەسىندە 17،5 مىڭ تۇرعىن تەگىن مەديسينالىق تەكسەرۋدەن ءوتتى جانە دارىگەرلەردەن كەڭەس الدى.

مەديكتەر حولەستەرين مەن قانداعى قانت دەڭگەيىن انىقتادى، فليۋوروگرافيالىق تەكسەرۋلەردەن، ۆيچ-ينفەكسيا مەن تەرىنىڭ سوزىلمالى اۋرۋلارىن انىقتاۋ ءۇشىن جەدەل تەستىلەۋدەن وتكىزدى، دەنە يندەكسىنىڭ انتروپومەترياسىن بەلگىلەدى، كوز قىسىمىن ولشەدى.

تۇرعىندار مەن قالا قوناقتارىنا جالپى پراكتيكا، لور جانە كارديولوگ دارىگەرلەر كوپتەگەن كەڭەستەر بەردى. جپد – 11058، لور – 4255، كارديولوگتار- 6899، گينەكولوگتار – 2915، نيەۆروپاتولوگتار – 4566، وفتالمولوگتار – 5031، حيرۋرگتار – 3138 ادامدى قارادى. سونىمەن قاتار، ۋرولوگ، پەدياتر، دەرماتولوگ، ونكولوگ، ريەۆماتولوگ، ستوماتولوگ، ەندوكرينولوگ، الەۋمەتتىك قىزمەتكەرلەر مەن پسيحولوگتار قابىلداۋ جۇرگىزدى.

فليۋروگرافيالىق تەكسەرۋدەن 4581 ادام، ەلەكتروكارديوگرافيادان 6200 ادام ءوتتى، 10424 ادامنىڭ حولەستەرين، 10885 ادامنىڭ قانداعى قانت دەڭگەيلەرى انىقتالدى، ۆيچ-ينفەكسياسىن انىقتاۋ ءۇشىن تەستىلەۋدەن 5193، تەرىنىڭ سوزىلمالى اۋرۋلارىن انىقتاۋدان 3627 ادام ءوتتى، 5503 ادامنىڭ كوزدەرىنىڭ قان قىسىمى تەكسەرىلدى.

دەنساۋلىق ايلىعىنىڭ ناتيجەسى بويىنشا تەكسەرۋدەن وتكەن 8228 ادامنىڭ مىناداي سىرقاتتارى انىقتالدى: اق – 1984، يجا – 507، قانت دەڭگەيى كوتەرىلگەندەر – 898، گيپەرحولەستەرينەمياسى بارلار - 615، گلاۋكوما – 203، تۋبەركۋلەز ءقاۋپى بار – 19، ءاىت – 961، سەمىزدىك – 507، ۆيچ ءقاۋپى – 10، تىنىس الۋ جولدارىنىڭ سىرقاتى – 370، كوز اۋرۋى – 335، نيەۆرولوگيالىق اۋرۋلار – 461.

مەديسينا قىزمەتكەرلەرى دەنساۋلىق ايلىعى بارىسىندا تۇرعىندار اراسىندا رەگيستر ارقىلى تىركەلۋ جانە ءموبيلدى قوسىمشانى ورناتۋ بويىنشا ءاقپارتتىق-تۇسىندىرۋ جۇمىستارىن جۇرگىزدى.

سكرينينگتەن ءوتۋ جانە مىندەتتى الەۋمەتتىك مەديسينالىق ساقتاندىرۋدى ەنگىزۋ بويىنشا اقپاراتتىق-وقىتۋ ماتەريالدارى تاراتىلدى.