بۇگىن، 5 قىركۇيەكتە الماتىدا ق ر پرەزيدەنتى قاسىم-جومارت توقايەۆتىڭ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىنىڭ نەگىزگى قاعيدالارىن جۇزەگە اسىرۋ ماسەلەلەرىنە ارنالعان قالا اكتيۆىنىڭ جيىنى ءوتتى.

الماتى اكىمى جولداۋدا كورىنىس تاپقان بەس باعىتتى جانە بەلگىلەنگەن مىندەتتەردى ورىنداۋ ءۇشىن ناقتىلى شارالاردىڭ جۇزەگە اساتىنىن ايتتى.

ول ءوزىنىڭ سوزىندە ازاماتتاردىڭ قالا اكىمدىگىنە جىبەرگەن وتىنىشتەرىنىڭ قاتاڭ باقىلاۋعا الىناتىنىن جانە زاڭ شەڭبەرىندە شەشىلەتىنىن جەتكىزدى. ازاماتتاردىڭ بارلىق كونسترۋكتيۆتى ساۋالدارىنا جەدەل ءارى ناقتىلى نازار اۋداراتىن «تىڭداي الاتىن مەملەكەت» كونسەپسياسىن ىسكە اساتىن بولادى.

«ءبىز جۇمىستى باستاپ كەتتىك. بارلىق باسقارما باسشىلارى مەن اۋداندار اكىمدەرى الەۋمەتتىك جەلىلەردە اككاۋنتتار اشتى، وسى ارقىلى ولار الماتىلىقتاردان تىكەلەي «كەرى بايلانىستى» قابىلداي الادى. باسقارمالار مەن اۋدان اكىمدىكتەرىندە ەكى اپتادا ءبىر رەت «اشىق ەسىك كۇندەرى» وتۋدە. نازار اۋدارىلماعان ءاربىر ءوتىنىش ءۇشىن ءبىرىنشى باسشىلار جەكە جاۋاپقا تارتىلادى. كادرلىق شەشىمدەر ەڭ الدىمەن ولاردىڭ تۇرعىندارمەن جۇمىسىنىڭ باعاسىنا قاتىستى قابىلدانادى»، – دەدى الماتى اكىمى.

بۇدان وزگە، قالادا زاڭ شەڭبەرىنەن شىقپايتىن جانە ازاماتتار تىنىشتىعىن بۇزبايتىن بەيبىت اكسيالار وتكىزۋ ءۇشىن جاڭا ورىندار قاراستىرىلادى.

مەملەكەت باسشىسىنىڭ تاپسىرماسى بويىنشا قالادا قۇقىق قورعاۋ جۇيەسىن رەفورمالاۋ جالعاسۋدا. 2020 جىلى ۆيدەومونيتورينگ جۇيەسى ەنگىزىلەدى، سونىڭ ارقاسىندا ادامدار كوپ جينالاتىن ورىندارعا مونيتورينگ پەن ۆيدەوساراپتاما جۇرگىزىلەدى جانە قالانىڭ بارلىق باستى وبەكتىلەرى قامتىلادى. بۇل – قوعامدىق قاۋىپسىزدىكتى قامتاماسىز ەتۋدەگى ماڭىزدى تەتىكتەردىڭ ءبىرى. «ە-قىلمىستى ءىس» جانە «اكىمشىلىك ءوندىرىستىڭ ءبىرىڭعاي رەەسترى» جوبالارى ەنگىزىلدى. اشىقتىقتى قامتاماسىز ەتۋ ءۇشىن پوليسيا دەپارتامەنتى سيفرلى شەشىمدەردى قولدانۋدى قامتاماسىز ەتەدى.

كەلەر جىلدىڭ اياعىنا دەيىن 112ء-نىڭ ءبىرىڭعاي شۇعىل قىزمەتى ەنگىزىلەدى. بۇدان وزگە، پوليسيا جۇمىسىنىڭ اشىقتىعىن قامتاماسىز ەتۋ ءۇشىن قالانىڭ بارلىق اۋداندارىندا 11 فرونت-وفيستەر اشىلادى. مۇندا كەلۋشىلەرگە حقكو ءپرينسيپى بويىنشا جايلى جاعدايدا قىزمەتتەر كورسەتىلەدى.

بيىلعى جىلى سەل ءقاۋىپىن تومەندەتۋ ءۇشىن كىشى جانە ۇلكەن الماتى، قارعالى جانە اقساي وزەندەرىنىڭ باسسەيندەرىندە مونيتورينگ جۇرگىزەتىن 10 اۆتوماتتاندىرىلعان ستانسيالاردىڭ قۇرىلىستارى باستالدى.

بۇلاردان وزگە، الماتى اكىمى كاسىپكەرلىكتى دامىتۋدىڭ ناقتىلى شارالارىن ايتتى. ەڭ الدىمەن، مادەنيەت، تۋريزم، كولىك، لوگيستيكا جانە ءىت يننوۆاسيا سالالارىندا كاسىپكەرلىكتى دامىتۋعا نازار اۋدارىلادى. وتباسىلىق بيزنەستى، سونىڭ ىشىندە كوپبالالى وتباسىلاردا پراكتيكانى دامىتۋعا ەرەكشە ءمان بەرىلەدى. سوندىقتان، الماتىدا «باقىتتى وتباسى» كوپبالالى وتباسىلاردى قولداۋ ورتالىعىندا ايەلدەردى كاسىپكەرلىككە ۇيرەتەتىن «Isker Ana» باعدارلاماسى قولعا الىندى.

جىل اياعىنا دەيىن مۇمكىندىگى شەكتەۋلى جاندار ءۇشىن ولاردىڭ جۇمىس ورىندارىندا تالىمگەرلىك پەن تاجىريبە جيناقتاۋ ورتالىعىن اشۋ جوسپارلانعان.

كاسىپكەرلىككە جاعداي جاساۋ جانە اكىمشىلىك كەدەرگىلەردى ازايتۋ ماقساتىندا الماتىدا التى اۋداندا فيليالدارى بار «Qoldaý» كاسىپكەرلىك ورتالىعى قۇرىلدى. مۇندا بارلىق مەمورگانداردىڭ، دامۋ ينستيتۋتتارى مەن مونوپوليستەردىڭ ماماندارى قىزمەت كورسەتەتىن بولادى. بۇل شارالار قىزمەت كورسەتۋ ۋاقىتىن قىسقارتىپ، قولجەتىمدىلىكتى قامتاماسىز ەتۋدە. بۇگىنگى كۇنى الماتىدا شوب سۋبەكتىلەرىنىڭ سانى 185 مىڭ. ولار ءىجو 40%-ىن، سالىقتىڭ 64%-ىن قامتاماسىز ەتەدى، 600 مىڭنان استام جۇمىس ورىندارى قۇرىلعان.

بۇلاردان وزگە، باقىتجان ساعىنتايەۆ قالانىڭ تۋريستىك الەۋەتىن دامىتۋ قاجەتتىگىن اتاپ ءوتتى.

تۋريستىك كلاستەردى دامىتۋ تۋرالى ءسوز قوزعاعان اكىم اعىمداعى كۋرورتتاردى نازارعا الۋدى، بۇلارداعى كولىك، تۇرۋ، تاماقتانۋ، جايلى جاعداي جاساۋ ماسەلەلەرىن رەتكە كەلتىرۋدى قاداپ تۇرىپ ايتتى.

الماتى تۋريستەر ءۇشىن تاۋ شاڭعىسى بازالارىمەن عانا تارتىمدى بولماۋى ءتيىس.

«ىسكەرلىك، مادەنيەت، سپورت ءتۋريزمىن دامىتقان ءجون. مۇنىمەن كۇن سايىن جانە بارلىق باعىتتار بويىنشا جۇمىس جاساۋ كەرەك. سوندا عانا ءبىز تۋريستەردىڭ تەك تاۋلارىمىزدى كورۋ ءۇشىن عانا كەلمەگەندەرىن سەزىنەتىن بولامىز»، – دەدى ب.ساعىنتايەۆ.

بۇلاردان وزگە، مەگاپوليس باسشىسى الماتىدا سيفرلاندىرۋ ماسەلەسى بويىنشا باسقارما قۇرىلاتىنىن حابارلادى. جاڭا باسقارمانىڭ مىندەتى – كەلەر جىلدىڭ اياعىنا دەيىن قاجەتتى مەمقىزمەتتەردى تولىق اۆتوماتتاندىرۋ.

الماتى – قازاقستاننىڭ سيفرلى استاناسى. قازىرگى كەزدە قالا سيفرلىق ساۋاتتىلىق دەڭگەيى بويىنشا (82،6%) ۇزدىك. ءىت قىزمەتتىڭ ۇشتەن ءبىرى وڭتۇستىك استانادا ورىندالادى. استانامەن بىرگە الماتىدا مالىمەتتەردى جەدەل جىبەرۋدىڭ جاڭا فورماتى – 5G تەستىلەنۋدە.

«مەنىڭ تاپسىرمام بويىنشا اكىمدىكتە سيفرلاندىرۋ ماسەلەسى بويىنشا جەكە باسقارما قۇرىلادى. ونىڭ مىندەتى – اقىلدى قالالاردىڭ جاڭا جوبالارىن ەنگىزۋ، مەملەكەتتىك قىزمەتتەردى اۆتوماتتاندىرۋدى اياقتاۋ، الماتىدا يت سەكتور قارقىنىن جىل سايىن جەدەلدەتۋ ءۇشىن جاعدايلار جاساۋ»، – دەپ اتاپ ءوتتى ب. ساعىنتايەۆ.

قازىرگى كەزدە الماتىدا قاجەتتى مەمقىزمەتتەردىڭ 80%-ى اۆتوماتتاندىرىلعان. جاڭا سيفرلاندىرۋ باسقارماسىنىڭ مىندەتى – 2020 جىلدىڭ اياعىنا دەيىن قاجەتتىلىكتەگى مەمقىزمەتتەردى تولىق اۆتوماتتاندىرۋ.

قالا اكتيۆىنىڭ وتىرىسى بارىسىندا مەگاپوليس باسشىسى مەدمەكەمەلەردى ماتەريالدىق-تەحنيكالىق جاراقتاندىرۋ بويىنشا جۇرگىزىلگەن ءاۋديتتىڭ ناتيجەسى تۋرالى حابارلادى. قازىرگى كەزدە قالانىڭ ەمحانالارىن جاراقتاندىرۋ ايىرماشىلىعى 20%-دان 80%-عا دەيىن. قالادا مەدمەكەمەلەردى جاراقتاندىرۋدىڭ 3 جىلدىق جوسپارى جاسالدى. مەدۇيىمداردا 30 مىڭنان استام مەديسينالىق قوندىرعىلار بار، ولاردىڭ 10،9 مىڭ بىرلىگىنىڭ توزىعى جەتكەن.

سوندىقتان، مەدقۇرالداردى ساتىپ الۋ ءۇشىن 86 ملرد. تەڭگەدەن استام قارجى ءبولۋ جوسپارلانعان. 2020 جىلدىڭ وزىندە 1،4 مىڭ بىرلىك مەدتەحنيكا الىنادى. جەدەل مەدكومەك قىزمەتى ءۇشىن كەلەر جىلى 80 اۆتوموبيل ساتىپ الىنادى.

شۇعىل كارديولوگيالىق كومەك ءۇشىن قالانىڭ №4،7 جانە وقكا سياقتى ءۇش ستاسيونارىندا كارديوبولىمدەر اشۋ جوسپارلانعان. 2019 جىلدىڭ قازانىندا الاتاۋ اۋدانىندا جەدەل مەديسينالىق كومەك قىزمەتىنىڭ جاڭا قوسالقى ستانسياسى ىسكە قوسىلادى. بارلىق اۋدانداردا 35 وتباسىلى-دارىگەرلىك امبۋلاتوريالار اشىلاتىن بولادى.

جيىن سوڭىندا ب. ساعىنتايەۆ مەملەكەت باسشىسىنىڭ قازاقستان حالقىنا جولداۋىندا الداعى بولاشاقتا جۇزەگە اسۋى ءتيىس بەس ماڭىزدى مىندەتتەردىڭ كورىنىس تاپقانىن ەسكە سالدى. جولداۋدىڭ باستى ماقساتى – حالىقتىڭ ءومىر ءسۇرۋ ساپاسىن جاقسارتۋ.

قالا اكتيۆىنىڭ وتىرىسىندا قالالىق ءماسليحات دەپۋتاتتارى، قوعامدىق كەڭەس مۇشەلەرى، زيالى قاۋىم مەن قوعامدىق ۇيىمدار وكىلدەرى جولداۋداعى العا قويىلعان مىندەتتەر تۋرالى ايتتى جانە باعدارلامالىق قۇجاتتىڭ نەگىزگى قاعيدالارىن جۇزەگە اسىرۋداعى وزدەرىنىڭ پىكىرلەرىن ءبىلدىردى.

almaty.gov.kz