مەملەكەت باسشىسىنىڭ جولداۋىن جۇزەگە اسىرۋ بويىنشا وتكەن قالا اكتيۆىنىڭ وتىرىسىندا الماتى اكىمى باقىتجان ساعىنتايەۆ مەدمەكەمەلەردى ماتەريالدىق-تەحنيكالىق جاراقتاندىرۋ بويىنشا جۇرگىزىلگەن ءاۋديتتىڭ ناتيجەسى تۋرالى حابارلادى.

قالانىڭ ەمحانالارىن جاراقتاندىرۋدا 20%-دان 80%-عا دەيىنگى ايىرماشىلىقتار انىقتالدى. اۋديت ناتيجەسى نەگىزىندە مەدمەكەمەلەردى جاراقتاندىرۋدىڭ 3 جىلدىق جوسپارى جاسالدى. مەدۇيىمداردا 30 مىڭنان استام مەديسينالىق قوندىرعىلار بار، ولاردىڭ 10،9 مىڭ بىرلىگىنىڭ توزىعى جەتكەن.

سوندىقتان مەدقۇرالداردى ساتىپ الۋ ءۇشىن 86 ملرد. تەڭگەدەن استام قارجى ءبولۋ جوسپارلانعان. 2020 جىلدىڭ وزىندە 1،4 مىڭ بىرلىك مەدتەحنيكا الىنادى. جەدەل مەدكومەك قىزمەتى ءۇشىن كەلەر جىلى 80 اۆتوموبيل ساتىپ الىنادى.

شۇعىل كارديولوگيالىق كومەك ءۇشىن قالانىڭ №4،7 جانە وقكا سياقتى ءۇش ستاسيونارىندا كارديوبولىمشە اشۋ جوسپارلانعان. 2019 جىلدىڭ قازانىندا الاتاۋ اۋدانىندا جەدەل مەديسينالىق كومەك قىزمەتىنىڭ جاڭا قوسالقى ستانسياسى اشىلادى. بارلىق اۋدانداردا 35 وتباسىلى-دارىگەرلىك امبۋلاتوريالار اشىلاتىن بولادى.

«الەۋمەتتىك قىزمەت كورسەتۋدەگى ساندىق جانە ساپالىق، اسىرەسە دەنساۋلىق ساقتاۋ سالاسىندا، ورتالىق پەن شەت اۋداندارداعى الشاقتىق قىسقاراتىن بولادى»، – دەدى ب. ساعىنتايەۆ.

almaty.gov.kz