Air Astana بيلەت باعاسىن ارزانداتپايدى، دەپ حابارلادى Qamshy.kz اقپارات اگەنتتىگى كتك ارناسىنىڭ دەرەگىن نەگىزگە الىپ.

«وزگە ەلدەرمەن سالىستىرعاندا بىزدە بيلەت قۇنى ونسىز دا تومەن»، - دەيدى اۋە كومپانياسىنىڭ پرەزيدەنتى پيتەر فوستەر.

«الىس-جاقىن شەتەلدىڭ اۋە تاسىمالداۋشىلارىنا قاراعاندا بىزدەگى باعا بىرنەشە ەسە تومەن. بۇل رەتتە بىزگە قاراستى Fly اrystan كومپانياسىنىڭ بارىپ-كەلۋ قۇنى شامامەن 45 دوللار. وزگە لوۋكوسترلەرمەن سالىستىرعاندا مۇنداي باعا جوقتىڭ-قاسى»، - دەدى Air Astana اۋە كومپانياسىنىڭ پرەزيدەنتى پيتەر فوستەر.

اۋە كومپانياسى الداعى ۋاقىتتا لوۋكوستەردىڭ جۇمىسىن جانداندىرماق. ول ءۇشىن «Fly اrystan» اۋە پاركىنە تيەسىلى ۇشاق سانىن 2-دەن 10-عا دەيىن كوبەيتۋدى كوزدەپ وتىر. كەلەر جىلدان باستاپ الماتى، نۇر-سۇلتان، شىمكەنت پەن قاراعاندىدان جاڭا رەيستەر اشىلادى. دەگەنمەن پيتەر فوستەر Air Astana كومپانياسىنىڭ اسپانداپ تۇرعان بيلەتتەرىن ارزانداتپايدى. ەسكە سالساق، جاقىندا پرەزيدەنت جولداۋىندا ەلىمىزدەگى باستى اۋە كومپانياسىنىڭ بيلەت باعاسىن نەلىكتەن 30 پايىزعا قىمباتتاتىپ جىبەرگەنىن تەكسەرۋدى تالاپ ەتكەن بولاتىن.