بۇگىن نۇر-سۇلتان قالاسىندا قازاقستان رەسپۋبليكاسى مادەنيەت جانە سپورت مينيسترلىگى ءتىل ساياساتى كوميتەتى شايسۇلتان شاياحمەتوۆ اتىنداعى "ءتىل-قازىنا" ۇلتتىق عىلىمي-پراكتيكالىق ورتالىعىنىڭ ۇيىمداستىرۋىمەن وقىتۋشىلار اراسىنداعى احمەت بايتۇرسىن ۇلى اتىنداعى رەسپۋبليكالىق بايقاۋى ءوتتى.

باستى ماقسات – احمەت بايتۇرسىن ۇلىنىڭ عىلىمي-پەداگوگيكالىق مۇرالارىنىنىڭ ساباقتاستىعىن جالعاستىرۋ. ۇلى تۇلعانىڭ ادىستەمەلىك يدەيالارىن، قازاق ءتىلىنىڭ مەملەكەتتىك ءتىل رەتىندەگى مارتەبەسىن ۇلىقتاۋ مەن قولدانىلۋ اياسىن كەڭەيتۋدەگى وقىتۋشىلار ءىسىن دارىپتەۋ.

ۇلت ءتىلى – قازاق ءتىلى جاناشىرلارىنىڭ ەڭ ۇزدىگىن تاڭداۋ ارقىلى وقىتۋدىڭ جاڭاشىل ادىس-تاسىلدەرىن تاراتۋعا نەگىز بولارى ءسوزسىز.

اشىلۋ سالتاناتىندا شايسۇلتان شاياحمەتوۆ اتىنداعى "ءتىل-قازىنا" ۇلتتىق عىلىمي-پراكتيكالىق ورتالىعىنىڭ باس ديرەكتورى الىبەك اسقار "بۇل بايقاۋدان كۇتىپ وتىرعان ناتيجەمىز، قازاق ءتىلىن وقىتۋدىڭ يننوۆاسيالىق ادىس-تاسىلدەرىن انىقتاۋ جانە تاراتۋ، وقىتۋشىلاردىڭ كاسىبي بىلىكتىلىگىن ارتتىرۋ جانە ءوزارا تاجىريبە الماسۋى، ەرەسەكتەرگە قازاق تىلىنەن ساباق بەرۋدىڭ ساپاسىن ارتتىرۋ" – دەپ ويىن تۇيىندەدى.

سونداي-اق قازاقستان رەسپۋبليكاسى پارلامەنتى ءماجىلىس دەپۋتاتى اباي تاسبولاتوۆ، سەنات دەپۋتاتى نۇرتورە ءجۇسىپ بايقاۋ قاتىسۋشىلارىنا ساتتىلىك تىلەدى.

بايقاۋ تورىنە ءبىرىنشى بولىپ اقتوبەلىك التىنگۇل تاڭىربەرگەنوۆا، قىزىلوردالىق اسەل باقىتوۆا، نۇر-سۇلتاندىق ەركەبۇلان ەربولات ۇلى، پاۆلودارلىق قازىنا قاداس، قاراعاندىلىق مۋنيرا اعىمبايەۆا، باتىس قازاقستاندىق ينديرا بايمولدينا، اتىراۋلىق ايگەرىم قويتانوۆالار كوتەرىلىپ وزدەرىنىڭ ەلەكتروندىق پورتفوليونى تانىستىرۋ جانە پەداگوگيكالىق-پسيحولوگيالىق جاعداياتتارعا ارنالعان تاپسىرمالارى مەن وزىق ساباق ۇلگىلەرىن كورسەتىپ، ادىس-تاسىلدەرىن كورەرمەن نازارىنا ۇسىندى.

ال فيلولوگيا عىلىمىنىڭ دوكتورى، پروفەسسور، ق ر ۇعا كوررەسپوندەنت مۇشەسى شەرۋباي قۇرمانباي ۇلى باستاعان ءادىلقازىلار القاسى جەڭىمپازدار مەن جۇلدەگەرلەردى انىقتادى.

باس جۇلدەنى رۋدنىي قالاسى “قالالىق تىلدەردى وقىتۋ ورتالىعىنىڭ” وقىتۋشىسى جانات دوسۋبايەۆا يەلەندى. ال ءبىرىنشى جۇلدە نۇر-سۇلتان قالاسى رۋحانيات ورتالىعى يدەولوگيالىق جۇمىستارى جانە جوبالاردى جۇزەگە اسىرۋ ءبولىمىنىڭ باسشىسى ەركەبۇلان ەربولات ۇلى، ەكىنشى قاراعاندى وبلىسىنىڭ تىلدەردى وقىتۋ ورتالىعىنىڭ وقىتۋشىسى مۋنيرا اعىمبايەۆا، ءۇشىنشى شىعىس قازاقستان وبلىسى تىلدەردى وقىتۋ ورتالىعىنىڭ وقىتۋشىسى اسەم مامىرانوۆا يەلەندى. سونداي-اق ىنتالاندىرۋ سىيلىعىن قىزىلوردا وبلىسى تىلدەردى وقىتۋ ورتالىعى ءوقۋ-ادiستەمەلiك ءبولىمنىڭ باسشىسى اسەل باقىتوۆا، جامبىل وبلىسى تىلدەردى وقىتۋ ورتالىعىنىڭ وقىتۋشىسى اقمارال تۇرسىنبەكوۆا، شىمكەنت قالاسى تىلدەردى وقىتۋ ورتالىعىنىڭ وقىتۋشىسى ايسۇلۋ وسپانوۆالارعا بۇيىردى. بارلىق بايقاۋعا قاتىسۋشىلارعا سىي-سياپات جاسالدى.

ەندىگى مىندەت – ۇلتتىق پەداگوگيكامىزدىڭ تاريحي، مادەني ءارى رۋحاني اسپەكتىلەرىن جانە ءبىلىم بەرۋدىڭ زاماناۋي جەتىستىكتەرىن ۇشتاستىرا وتىرىپ، ەلىمىزدىڭ ءبىلىم بەرۋ سالاسىن دامىتۋعا ۇلەس قوسۋ. وسى ورايدا، رەسپۋبليكا كولەمىندە وقىتۋشىلاردىڭ كاسىبي بىلىكتىلىگىن ارتىرۋدى ۇلت زيالىلارىنىڭ پەداگوگيكالىق تاجىربيەسىنە نەگىزدەپ جۇرگىزۋ كەزەك كۇتتىرمەس ءىس.