قازاقستان پرەزيدەنتى قاسىم-جومارت توقايەۆ قىتايعا ساپارىندا وتانداسىمىز اقجارقىن تۇرلىبايعا قاتىستى جەكە ءوتىنىشىن جەتكىزدى. بۇل تۋرالى بۇگىن پرەزيدەنتتىڭ كومەكشىسى مۇرات نۇرتىلەۋوۆ مالىمدەدى، دەپ حابارلايدى Qamshy.kz اقپارات اگەنتتىگى sputniknews.kz سايتىنىڭ دەرەگىن نەگىزگە الا وتىرىپ.
ونىڭ ايتۋىنشا، قىتايعا جول جۇرگەلى جاتقاندا مەملەكەت باسشىسىنا اقجارقىن تۇرلىبايدىڭ اناسىنان ءوتىنىش تۇسكەن.
"وسىعان وراي پرەزيدەنت بەيجىڭدەگى كەزدەسۋلەردە جۇڭگو تاراپىنا ءوزىنىڭ جەكە ءوتىنىشىن جەتكىزدى. بۇل ماسەلە جان-جاقتى تالقىلاندى. ونىڭ ناتيجەلەرى بويىنشا سىرتقى ىستەر مينيسترلىگى ارقىلى وسى جۇمىستى جالعاستىرۋ تۋرالى ۋاعدالاستىققا قول جەتكىزىلدى. مەملەكەت باسشىسى ءوز تاراپىنان ۇلكەن كوڭىل ءبولىپ وتىر. سوندىقتان ساپار ناتيجەسى بويىنشا بەرىلەتىن تاپسىرمالار تىزىمىنە وتانداسىمىزدىڭ تاعدىرىنا قاتىستى ماسەلە ارنايى پۋنكت رەتىندە كىرەتىن بولادى"، - دەدى نۇرتىلەۋوۆ قازاقستان پرەزيدەنتىنىڭ قىتايعا ساپارىنىڭ قورىتىندىسىنا ارنالعان باسپا ءسوز ءماسليحاتىندا.
پىكىر قالدىرۋ