ءانشى جانار حاميتوۆانىڭ تۋىستارى، ونىڭ وزىنە-وزى قول سالعانىن جوققا شىعاردى دەپ جازادى Qamshy.kz اقپارات اگەنتتىگى استانا ارناسىنىڭ دەرەگىن نەگىزگە الىپ. مارقۇمنىڭ تۋىسقان اعاسى قارىنداسىنىڭ قازاسىنا مۇلدە باسقا جاعداي سەبەپ بولعانىن حابارلادى. دەگەنمەن ءقازىر وقيعانىڭ ءمان-جايىن پوليسيا انىقتاۋعا كىرىسكەن. 

ءانشى جانار حاميتوۆا نەبارى 30 جاستا. ونىڭ قازاسى جايلى كەشە تاڭەرتەڭ الەۋمەتتىك جەلىدە تارادى. قايعىلى جاعداي قارقارالى اۋدانىنداعى اكەسىنىڭ ۇيىندە بولعان. وقيعا ورنىنا جەدەل جاردەم شاقىرتىلعانىمەن، انشىگە اراشا بولا الماپتى. دەگەنمەن جاناردىڭ جۇمباق ولىمىنە قاتىستى ءتۇرلى قاۋەسەت تاراپ ۇلگەردى. الەۋمەتتىك جەلىدەگى جازبالاردا، ءانشى وزىنە قول سالدى، اسىلىپ قالدى،- دەگەن اقپاراتتار جىلدام تارادى. پوليسيا دا «ءوزىن-وزى ولتىرۋگە دەيىن جەتكىزۋ» بابىمەن تەرگەۋ جۇمىستارىن باستادى.  

"اتالعان فاكت سوتقا دەيىنگى تەرگەۋدىڭ ءبىرىڭعاي تىزىمىنە قك 105 بابى، 1- ءىنشى بولىگىنە سايكەس تىركەلدى. تەرگەۋ بارىسىندا وقيعانىڭ ءمان جايى انىقتالاتىن بولادى"، - قاراعاندى وبلىستىق پد-نىڭ باسپا ءسوز حاتشىسى.

الايدا مارقۇمنىڭ تۋىستارى ءانشىنىڭ وزىنە قول جۇمساعانىن جوققا شىعارىپ وتىر. ءوزىن تۋىسقان اعاسىمەن دەپ تانىستىرعان تيىشبەك ءحاميتوۆتىڭ ايتۋىنشا قارىنداسىنىڭ قازاسىنا، ونىڭ باسىندا بولعان جايتتار سەبەپ بولعان. جۇرەگىنە سالماق سالدى دەيدى.  

"ونداي ەشتەڭە بولعان جوق. جۇرەگى شىدامادى. ۇيدە تازالىق جۇمىستارىن ىستەپ جاتتى، 1-2 كۇنگە كەلگەن. ونداي ەشتەڭە بولعان جوق. جۇرەگى ناشار بولدى. ءبىر نارسەگە الاڭداعان بولسا كەرەك. التىن بالا ول. شىعارماشىلىقتىڭ ادام ەدى"، - دەيدى تيىشبەك حاميتوۆ.