فيسكالدى چەك بەرمەيتىندەردى انىقتاۋعا باعىتتالعان "مەملەكەتتىك باقىلاۋ" جوباسى رەسپۋبليكالىق اۋقىمدا جۇمىس جاساماق، دەپ حابارلايدى Qamshy.kz اقپارات اگەنتتىگى مەملەكەتتىك كىرىستەر كوميتەتىنىڭ باسپا ءسوز قىزمەتىنە سىلتەمە جاساپ.
12 تامىزدا ەلوردادا باستالعان پيلوتتىق جوبا قاراشا ايىنا دەيىن جالعاسادى. وسى ارالىقتا 52 استانالىق تۇبىرتەك بەرىلمەگەن ارەكەتتەر تۋرالى حابارلاپ، 1000 تەڭگە كولەمىندەگى سىياقىلارىن العان.
"30 قىركۇيەكتەن باستاپ پيلوتتىق جوبا تۇتاس رەسپۋبليكا اۋماعىندا ارەكەت ەتپەك، ياعني تۇبىرتەك بەرمەگەن دەرەكتەر تۋرالى حابارلاعاندارعا سىياقى (موبيلدىك تەلەفون بالانسىن تولىقتىرۋ) بارلىق قازاقستاندىقتارعا بەرىلەدى" دەپ حابارلادى كوميتەت وكىلدەرى.
سىياقى تەك تۇبىرتەك بەرىلمەگەن دەرەكتىڭ ۆيدەوتۇسىرىلىمى بولعان جاعدايدا عانا بەرىلەدى. سونداي-اق وندا دۇكەن، ساۋدا ءۇيى، بازار يا باسقا دا ساۋدا نۇستەسىنىڭ اتاۋى مەن مەكەنجايى كورسەتىلۋى ءتيىس. ۆيدەوماتەريالداردى Wipon موبيلدىك قوسىمشاسى ارقىلى جىبەرۋگە بولادى. ارىزدى جولداردا ءوزىڭىزدىڭ ءاتى-جونىڭىزدى، جسن نومەردى، بايلانىس نومەردى جىبەرۋ مىندەتتى.
پىكىر قالدىرۋ