باقىتجان ساعىنتايەۆ وسكەلەڭ جاس ۇرپاقتىڭ بويىنا ومىرشەڭ قۇندىلىقتاردى قالىپتاستىرۋدا ءمۇعالىمنىڭ ماڭىزدى ءرول اتقاراتىنىن اتاپ ءوتتى، دەپ جازادى almaty.gov.kz سايتى.
«بۇگىنگى ومىردە ءمۇعالىم تەك كاسىبي ساۋاتتى بولۋمەن قاتار، ءبىلىم بەرۋدىڭ جاڭا قۇرالدارى مەن ادىستەرىن مەڭگەرۋى، قوعامدا بولىپ جاتقان وزگەرىستەردى جەتە سەزىنۋى ءتيىس. بۇگىنگى كۇنى بالالاردى ءوز بەتتەرىنشە ويلاي بىلۋگە، شەشىم قابىلداۋعا جانە ءوز تاڭداۋى ءۇشىن جاۋاپكەرشىلىكتى موينىنا الۋعا ۇيرەتۋ قاجەت. سىزدەر كۇن سايىن ولارعا جاڭا قازاقستاننىڭ لايىقتى ازاماتتارى بولۋعا كومەكتەسىپ كەلەسىزدەر»، – دەپ اتاپ ءوتتى قالا اكىمى.
ول ءوزىنىڭ سوزىندە قوعامنىڭ مىندەتى – ءمۇعالىمنىڭ بەدەلىن تۋ بيىككە كوتەرۋ ەكەنىن قاداپ ايتتى.
«ءبىز مۇعالىمگە بالالارىمىزدى، ياعني بولاشاعىمىزدى سەنىپ تاپسىرامىز. ەلىمىزدىڭ بولاشاعى مۇعالىمگە تىكەلەي بايلانىستى»، – دەدى ب.ساعىنتايەۆ.
ب.ساعىنتايەۆتىڭ تاپسىرماسى بويىنشا جاس مۇعالىمدەرگە قولداۋ كورسەتىلۋدە. بيىلعى جىلى 634 جاس ءمۇعالىم 50،5 مىڭ تەڭگە كولەمىندە بىررەتىك ماتەريالدىق كومەك الدى. ونىڭ جالپى سوماسى 32 ملن. تەڭگە.
بۇدان وزگە، 2020 جىلدان باستاپ مەگاپوليستىڭ ۇزدىك مۇعالىمدەرى ءۇشىن الماتى قالاسى اكىمىنىڭ ارنايى گرانتى ەنگىزىلمەك. ۇزدىك پەداگوگيكالىق ۇجىم ءداستۇرى جالعاسىن تابادى. بۇگىن 10 جەڭىمپاز مەكتەپتەردىڭ مىڭنان استام ۇستازدارى اقشالاي سىيلىقتارعا يە بولدى.
سالتاناتتى شارا بارىسىندا «ۇزدىك پەداگوگيكالىق ۇجىم» بايقاۋىنىڭ قورىتىندىسى شىعارىلدى. № 182 مەكتەپتىڭ مۇعالىمدەرى گران-پريدى ال، ءبىرىنشى ورىندى № 169 مەكتەپ-ليسەيى مەن № 174 مەكتەپ-گيمنازياسى يەلەندى. ءۇش ەكىنشى ورىندى № 177 جالپى ءبىلىم بەرەتىن مەكتەپ، № 126 ارنايى ليسەي، № 115 جالپى ءبىلىم بەرەتىن مەكتەپ الدى. ءۇشىنشى ورىندى № 110 مەكتەپ-گيمنازيا، №79 گيمنازيا، № 198 جالپى ءبىلىم بەرەتىن مەكتەپ پەن № 62 گيمنازياسى ءوزارا ءبولىستى.
«ۇزدىك پەداگوگ» رەسپۋبليكالىق كونكۋرسىنىڭ جەڭىمپازدارى: №178 ليسەيدىڭ قازاق ءتىلى مەن ادەبيەتى ءپانىنىڭ ءمۇعالىمى قانات قايىرباي، ى. التىنسارين اتىنداعى № 159 گيمنازياسىنىڭ باستاۋىش سىنىپ ءمۇعالىمى جانار قۇسايىنوۆا، № 148 مەكتەپ-گيمنازياسىنىڭ باستاۋىش سىنىپ ءمۇعالىمى نازيگۇل مەرگەنبايەۆا مەن يندۋستريا جانە تۋريزم كوللەدجىنىڭ ارنايى پاندەر وقىتۋشىسى ەراسىل مامىربەكوۆ.
بۇدان وزگە، ءبىلىم سالاسىنىڭ ءبىرقاتار قىزمەتكەرلەرى «ىبىراي التىنسارين» جانە «ق ر قۇرمەتتى ءبىلىم قىزمەتكەرى» توسبەلگىلەرىمەن ماراپاتتالدى.
پىكىر قالدىرۋ