5-6 قازاندا Q-Lab قالالىق جوبالار زەرتحاناسىندا اقىلدى جوبالاردى جاساۋشىلاردىڭ العاشقى قالالىق مارافونى ءوتتى. يدەيانى پروتوتيپكە اينالدىرۋ ءۇشىن قاتىسۋشىلارعا 24 ساعات بەرىلدى. قويىلعان مىندەت – جوباعا بۇرىن قاتىسقانداردىڭ ۇسىنىستارىن جالعاستىرماي ءارى قايتالاماي جاڭا يدەياسى بار ءپروتوتيپتى بىردەن جاساۋ جانە ىسكە اسىرۋ، دەپ جازادى قالالىق اكىمدىكتىڭ باسپا ءسوز قىزمەتى"

حاكاتوندى اشقان الماتى اكىمى باقىتجان ساعىنتايەۆ مەگاپوليستىڭ تىنىس-تىرشىلىگىن قامتاماسىز ەتەتىن بارلىق سالالارعا جاڭا ءارى ءتيىمدى شەشىمدەر قاجەت ەكەنىن ايتتى.

«پەرسپەكتيۆالى، زياتكەرلىك ازىرلەمەلەر مەن تالدامالاردى ۇسىنعان كوماندالارعا قولداۋ كورسەتىلەدى، ويتكەنى ولاردىڭ ۇسىنىستارى قالانىڭ تىنىس-تىرشىلىگىن قامتاماسىز ەتۋدە پراكتيكا جۇزىندە قولدانىلادى. اقىلدى مارافوندى ءبىز جىل سايىن وتكىزەمىز، اۋقىمىن كەڭەيتەمىز جانە ولاردى پايدالاناتىن سالالاردى ۇلعايتامىز، بۇل ىسكە كرەاتورلار مەن ازىرلەۋشىلەردى كەڭىنەن تارتاتىن بولامىز»، – دەدى ب. ساعىنتايەۆ.

Almaty SmartCity Challenge حاكاتونىنىڭ جۇلدەلىك قورى 3 ملن تەڭگەنى جارىس جەڭىمپازدارى اتانعان ءۇش كوماندا ءوزارا ءبولىستى: HCK50 («Salem Tourist» جوباسى – 1،5 ملن تەڭگە)، GGG («Smart bin» – 1 ملن تەڭگە) جانە Mbionics («اقىلدى تۇراق» – 500 مىڭ تەڭگە).

شاراعا قولداۋ كورسەتكەن دەمەۋشىلەردىڭ «كاسپەرسكييدىڭ زەرتحاناسى» اق، «قازتەلەپورت» اق ارنايى سىيلىقتارىمەن جاڭا ءارى كرەاتيۆتى يدەيالارى ءۇشىن 9 كوماندا ماراپاتتالدى. حاكاتونعا قاتىسۋشىلاردىڭ بارلىعى اتاۋلى سەرتيفيكاتتار الدى.

تۋريستەرگە ارنالعان «Salem Tourist» ءموبيلدى قوسىمشاسى ارقىلى قالامىزدىڭ وتە قىزىق جەرلەرى جانە كورنەكى ورىندارى، ولارعا قالاي بارۋعا بولاتىندىعى، رەيتينگى جانە قالالىقتاردىڭ پىكىرى تۋرالى اقپاراتتاردى الۋعا بولادى. بۇل جوبانى ازىرلەگەندەر قوسىمشانىڭ الماتىنىڭ تۋريستىك تارتىمدىلىعىن ارتتىرىپ، تۋريستەرگە بارىنشا جايلى جاعدايلاردى جاسايتىندىعىن ايتتى.

«Smart bin» جوباسىنىڭ اۆتورلارى داچيكتەر ارقىلى قالانىڭ قوقىس تولعان كونتەينەرلەرى بىردەن كوزگە تۇسەتىنىن جەتكىزدى. ولار كونتەينەرلەردىڭ تەز تولۋى جانە تازارۋى لوگيستيكانى وڭتايلاندىرۋعا، قانشا قوقىس جينايتىن ماشينالار مەن كونتەينەرلەردىڭ قاجەت ەكەنىن ەسەپتەۋگە، باعىتتى انىقتاۋعا، قوقىس كولىكتەرىنىڭ مايىن ۇنەمدەۋگە، تەحنيكا مەن جولدىڭ توزۋىن ازايتۋعا جانە قىزمەتكەرلەردىڭ جۇمىس ۋاقىتىن قىسقارتۋعا مۇمكىندىك بەرەتىنىن ايتتى.

Mbionics كومانداسىنىڭ «اقىلدى قالا» جوباسىن جاساۋشىلار جەدەل مونيتورينگتىڭ الماتىنىڭ بوس تۇراقتارىندا كولىكتى ورنالاستىرۋ پروسەسسىن باسقاراتىنىن ايتتى. بۇل جوبا قالانىڭ كولىك تۇراعى كەڭىستىگىن جاسقارتۋمەن قاتار قالا بيۋدجەتىنە تۇسەتىن قارجىنى اشىق باقىلاۋدى قامتاماسىز ەتەدى.

حاكاتونعا قاتىسۋشىلاردىڭ بارلىعى قالانى دامىتۋعا ارنالعان 30-دان استام جوبا ازىرلەگەن بولاتىن. قاتىسۋشىلار تۇرمىستىق قوقىستاردى وڭدەيتىن فەرما، قالانىڭ جاسىل جەلەگىن سۋاراتىن «اقىلدى» اۆتوسۋشاشقىش، مونيتورينگ جۇيەسى جانە بوس كولىك تۇراعىن ىزدەۋ، قالا قاۋىپسىزدىگىن تالداۋ، جۇكتەمەنى ازايتۋ جانە باسقا دا جوبالاردى قۇرامىنا «كاسپەرسكييدىڭ زەرتحاناسى» اق، «قازتەلەپورت» اق، «اتپ» اكق(Tech Garden)، «اقپاراتتىق تەحنولوگيانىڭ حالىقارالىق ۋنيۆەرسيتەتى» اق جانە ءال-فارابي اتىنداعى ءقازۇۋ-نىڭ ساراپتاما جانە مالىمەتتەردى وڭدەۋ ورتالىعىنىڭ وكىلدەرى ەنگەن ساراپتاما ءجيۋريىنىڭ قاراۋىنا ۇسىندى.