اتىراۋ وبلىسىندا پوليسيا قىزمەتكەرى ادام قاعىپ، وقيعا ورنىنان قاشىپ كەتتى. بۇل تۋرالى وبلىستىق پوليسيا دەپارتامەنتىنىڭ باسپا ءسوز قىزمەتى حابارلادى.
پولسيا دەپارتامەنتىنىڭ مالىمدەۋىنشە، يساتاي اۋداندىق پوليسيا ءبولىمىنىڭ قىزمەتكەرى 25 جاساتاعى ەر ادامدى قاعىپ ولتىرگەن.
"يساتاي اۋدانى زينەدەن اۋىلى ماڭىنداعى اۆتوجولدا اۋداندىق پوليسيا ءبولىمىنىڭ قىزمەتكەرى "اۋدي-ا6" كولىگىمەن جۇمىستان تىس ۋاقىتتا جولاۋشىنى قاعىپ كەتتى. سودان كەيىن ول وقيعا ورنىنان قاشىپ كەتكەن. اپات سالدارىنان 25 جاستاعى ەر ادام وقيعا ورنىندا قازا تاپتى"، - دەلىنگەن پوليسيا دەپارتمەنتى تاراتقان حابارلامادا.
پوليسيا دەپارتامەنتىنىڭ مالىمدەۋىنشە، وسى وقيعاعا بايلانىستى قىلمىستىق كودەكستىڭ 345-بابىنىڭ 3-بولىگى، ياعني "بايقاۋسىزدا ادام ولىمىنە اكەپ سوقتىرعان جول قوزعالىسى ەرەجەسىن بۇزعانى ءۇشىن جازالاۋ" بابى بويىنشا سوتقا دەيىنگى تەرگەۋ باستالعان جانە قىلمىستىق كودەكستىڭ 347-بابى، ياعني "جول اپاتى ورنىنان كەتىپ قالۋ" دەرەگى دە تەكسەرىلىپ جاتىر. جول اپاتىنا كىنالى پوليسيا قىزمەتكەرىن قاماۋعا الۋ شاراسىن تاڭداۋ ماسەلەسى قاراستىرىلۋدا.
پىكىر قالدىرۋ