قارتتار ۇيىنە جاتقىزىلعان قاريا 1 اپتادان سوڭ جۇمباق جاعدايدا قايتىس بولدى. مارقۇمدى جان تاپسىرار كەزىندە كورگەن كورشىلەرى مەكەمە قىزمەتكەرلەرى ۇرىپ-سوقتى دەپ كۇدىكتەنەدى. ويتكەنى ونىڭ اياق-قولى سىنىپ، كوگەرىپ، كۇيىپ كەتكەن ەدى دەيدى.  67-جاستاعى اناتوليي ۆوزنيۋك ءومىرىنىڭ سوڭعى 10 جىلىن وسى ۇيدە وتكىزگەن دەپ جازادى Qamshy.kz اقپارات اگەنتتىگى استانا ارناسىنىڭ دەرەگىن نەگىزگە الىپ.  الپىستى القىمداعان قاريا ترانسپورت سالاسىندا قىزمەت اتقارىپتى. زەينەت جاسىنا كەلگەندە قارايلاسار بىردە-بىر تۋىسى قالماعان. تەك كورشىلەرىمەن عانا جاقىن ارالاسقان. جالعىزدىقتان ابدەن شارشاعان سوڭ، قوڭسىسىنىڭ كومەگىمەن قارتتار ۇيىنەن پانا تابادى. ارتى قايعىمەن اياقتالعان.

– ءبىز ءبىر وتباسىنداي بولىپ كەتكەنبىز. مەندە ونىڭ سەنىمحاتى دا بار. قارتتار ۇيىنە وتكىز دەگەن سوڭ، جاعداي جاقسارار دەپ، ايتقانىن ەكى ەتپەپ ەدىم. كىم بىلگەن وسىلاي بولارىن. ونى ءبىرىنشى رەت كورۋگە كەلگەندە، تاماقتانۋدان باس تارتقانىن ايتتى. ەكىنشى كەلگەندە، ءبىر اياعى قاپ-قارا بولىپ ءىسىنىپ كەتكەن. قاراۋدىڭ ءوزى قورقىنىشتى بولدى. ءاناتولييدىڭ اياعى مازالاعاندىقتان، سوڭعى جىلدارى جۇرۋدەن قالعان. ءبىر اياعىنا وتا دا جاسالىپتى. قارتتار ءۇيى ونى سول كۇيىندە قابىلداعانىمەن، ارتىنان اۋرۋحاناعا  جونەلتكەن. الايدا، ونىڭ جاعدايى تۋرالى حابار دا الماعان. كورشىلەرىنىڭ ايتۋىنشا، قارتتار ءۇيى قىزمەتكەرلەرى ونداعىلارعا كۇتىم جاساماق تۇگىلى، قاراۋدا دا نەمقۇرايلىلىق تانىتادى، - دەدى مارقۇمنىڭ كورشىسى ۆەرا پەتروۆا. 

– پالاتاعا كىرىپ ەدىم، ونىڭ جەردە جاتقانىن كوردىم. ارتىنان ونداعى قىزمەتكەرلەردى  ىزدەپ كەتتىم. 2 قاباتتى ارالاپ ءجۇرىپ ءبىر سانيتار ماماندى ارەڭ تاپتىم. ولار ونىڭ قۇلاپ كەتكەنىن جۇرگەگىن اۋىستىرىپ جاتقان ەدىك دەپ ءتۇسىندىردى. ال مەن، ول قالاي مەن سىزدەردى 15 مينۋتتان بەرى ىزدەپ ءجۇرمىن عوي، دەسەم جاۋاپ تا قاتقان جوق.  قالالىق قارتتار ءۇيىنىڭ ماماندارى ناۋقاستىڭ قايتىس بولعانىنان دا حابارسىز. سوعان قاراماستان، ولار تاعىلعان ايىپتىڭ ءبارىن جوققا شىعارىپ وتىر. ايتۋلارىنشا، مارقۇم مەكەمەگە كەلگەندە جاعدايى اۋىر بولعان. قولدارىندا ونى راستايتىن قۇجاتتارى دا بار. كەرىسىنشە، ءبىز ونى ادام قاتارىنا قوستىق، - دەپ پىكىر مارقۇمنىڭ كورشىسى ۆيتاليي پەتروۆ. 

– كۇيىك بولعان جوق. ەكى اياعى دا قاپ-قارا بولدى. ەكى اياعىندا دا قان اينالىمى تىزەدەن تومەن بولمادى. اياعى سۇپ-سۋىق. ءبىر كورگەندە، كۇيىك سياقتى كورىنەدى. ءبىراق ول "ۆلاجنوە گيانگاگومە". ءبىزدىڭ تىلىمىزدە سولاي ايتىلادى. ول كىسى قيمىلدامايتىن ادام. ۇرىپ-سوعاتىن بىزدە قانداي نە بار. سەبەپ بار. ەلوردالىق تۇرعىن قارتتار ۇيىنە 27 قىركۇيەكتە تۇسكەن. 9 كۇن ارنايى كۇتىم الىپ، اۋرۋدى ەڭسەرۋگە مۇنداعى مامانداردىڭ شاماسى كەلمەگەن سوڭ قالالىق اۋرۋحاناعا جەتكىزىلگەندەرىن راستادى. 67- جاسقا كەلگەن قارت 17 قازان كۇنى قازا بولدى، - دەيدى "نۇر-سۇلتان قالاسى اكىمدىگىنىڭ شاراپات" اقكو" كمم مەديسينا ءبولىمىنىڭ مەڭگەرۋشىسى بولاتبەك مۇساحانوۆ.