ورتا سالماقتا IBF جانە IBO تۇجىرىمدارى بويىنشا الەم چەمپيونى قازاقستاندىق گەنناديي گولوۆكين مەن ۋكراينالىق سەرگەي دەريەۆيانچەنكو 6 قازاندا وتكەن جەكپە-جەك الدىندا دا، كەيىن دە دوپينگ-سىناقتان ءساتتى ءوتتى دەپ حابارلايدى Qamshy.kz اقپارات اگەنتتىگى Vesti.kz. سايتىنا سىلتەمە جاساپ.
بوكسشىلار VADA مەن WBC ۇيىمداستىرعان "تازا بوكس" باعدارلاماسى اياسىندا تەكسەرىستەن ءوتتى.
"گولوۆكين مەن دەريەۆيانچەنكونى 6 قازانداعى جەكپە-جەككە ارنالعان دوپينگ-سىناق باعدارلاماسىنىڭ ءساتتى اياقتالۋىمەن قۇتتىقتايمىز"، - دەلىنگەن VADA-دا.
بوكسشىلاردان الىنعان سىنامالاردىڭ ءبارى تازا بولىپ شىقتى.
ەسكە سالساق، قازان ايىنداعى جەكپە-جەكتە گولوۆكين تورەشىلەر شەشىمىمەن جەڭىسكە جەتكەن بولاتىن. كەزدەسۋدەن كەيىن ول ورتا سالماقتا IBF جانە IBO تۇجىرىمدارى بويىنشا الەم چەمپيونى اتاندى.
پىكىر قالدىرۋ