رەسەيدىڭ استراحان وبلىسى كراسنويار اۋدانى الشا پوسەلكەسىندە تۇرعان ەتنيكالىق قازاق ءتانزيلا بيسەمبەيەۆا 125 جاسقا قاراعان شاعىندا دۇنيەدەن وزدى. ول 2016 جىلدان پلانەتاداعى ەڭ قارت ايەل ادام رەتىندە رەسمي تانىلعان بولاتىن، دەپ جازادى rg.ru سايتى.
مارقۇمدى سوڭعى ساپارعا اتتاندىرۋعا كەلگەندەردىڭ اراسىندا كراسنويار اۋدانىنىڭ باسشىسى نۇرعالي بايتەمىروۆ تە بولعان.
ءتانزيلا بيسەمبەيەۆا 1896 جىلى پاتشالىق رەسەي زامانىندا تۋىپ، ريەۆوليۋسيانى، ۇلى وتان سوعىسىن، رەجيمنىڭ، ساياسي كوسەمدەردىڭ اۋىسۋىن، كسرو-نىڭ قۇلاۋىن، ەكىنشى مىڭجىلدىقتىڭ كەلۋىن كورگەن.
ءتانءزيلا اجەي ۇيدە 8 بالانىڭ ۇلكەنى بولعان. ريەۆوليۋسيادان كەيىن تۇرمىس قۇرىپ، كولحوزدا ەڭبەك ەتەدى. ۇلى وتان سوعىسى باستالعان شاقتا كۇيەۋى مايدانعا كەتىپ، ءتانزيلا بيسەمبەيەۆا وزگە ايەلدەرمەن بىرگە وكوپ قازىپ، باعانا تاسىپ، قارا جۇمىسۇا تارتىلادى.
كۇيەۋىنەن 1942 جىلدان باستاپ ەش حابار بولماعاندىقتان، سوعىس اياقتالعان سوڭ 52 جاسىندا ەكىنشى رەت تۇرمىس قۇرادى. ءتانزيلا بيسەمبەيەۆا ەكىنشى جارىنان ءتورت قۇرساق كوتەرەدى. تۇڭعىشى شەتىنەپ، قالعان ۇشەۋى ەل قاتارلى وسىپ-ونەدى. 3 بالادان 10 نەمەرە، 25 شوبەرە، 2 شوپشەك سۇيگەن.
