ەلىمىزدىڭ باس گازەتىنىڭ ۇجىمىن قۇتتىقتاعان باقىتجان ساعىنتايەۆ «ەگەمەن قازاقستاننىڭ» تاريحى «ۇشقىن» گازەتىنىڭ ءبىرىنشى نومىرىنەن باستاۋ الاتىنىن اتاپ ءوتتى.
«بۇگىن گازەتتىڭ 29 696 ءنومىرى جارىق كوردى. ءاربىر نومىردە تاۋەلسىز قازاقستان رەسپۋبليكاسىنىڭ قالىپتاسۋىنىڭ قيىن جولى سيپاتتالادى. كەزىندە بۇل باسىلىمدى سماعۇل ءسادۋاقاسوۆ، جۇسىپبەك ايماۋىتوۆ، بەيىمبەت مايلين، ساكەن سەيفۋللين، مۇحتار اۋەزوۆ، تۇرار رىسقۇلوۆ، وراز جاندوسوۆ، عابيت مۇسىرەپوۆ، قاسىم ءشارىپوۆ، ساپار بايجانوۆ، بالعابەك قىدىربەك ۇلى، شەرحان مۇرتازا، ءابىش كەكىلبايەۆ سىندى تۇلعالار باسقارىپ ەدى. ولار گازەتتىڭ ءار نومىرىنە قايتالانباس قولتاڭباسىن قالدىرا ءبىلدى. بۇل تۇلعالاردى وتانعا دەگەن ماحاببات پەن وقىرمانعا دەگەن قۇرمەت بىرىكتىردى»، – دەپ اتاپ ءوتتى شاھار باسشىسى.
قالا اكىمى «ەگەمەن قازاقستان» گازەتىنىڭ باس رەداكتورلارىنىڭ ءبىرى بولعان نۇرلان ورازالين مەن گازەتتىڭ قازىرگى باسشىسى دارحان ءقىدىرالىنى الماتىنىڭ دامۋىنا قوسقان ۇلەسى «ەنبەگى ءۇشىن» ءۇشىن دەگەن توسبەلگىمەن ماراپاتتادى. گازەتتىڭ ءبىرقاتار ارداگەرلەرى مەن جۋرناليستەرى الماتى اكىمىنىڭ قۇرمەت گراموتالارىمەن ماراپاتتالدى.
بۇل كۇنى سالتاناتتى تۇردە «ەگەمەن قازاقستان» گازەتىنىڭ مەموريالدىق تاقتاسىنىڭ اشىلۋى ءوتتى.
وندا 1987 جىلدان 1999 جىلعا دەيىن گوگول جانە زەنكوۆ كوشەلەرىنىڭ قيىلىسىندا گازەتتىڭ رەداكسياسى ورنالاسقان. ەسكەرتكىش تاقتانىڭ اشىلۋىنا الماتى قالاسى اكىمىنىڭ ورىنباسارى ەرجان باباقۇماروۆ قاتىسىپ، باسىلىمنىڭ عاسىرلىق تاريحىنداعى الماتىنىڭ ءرولىن اتاپ ءوتتى.
«1929 جىلى گازەت ۇجىمى قىزىلوردادان ءبىزدىڭ قالاعا كوشتى. سوندىقتان الماتىداعى مەموريالدىق تاقتانىڭ اشىلۋى-تاريحي زاڭدىلىق پەن ءبىزدىڭ ازاماتتىق پارىزىمىز»، – دەدى ەرجان باباقۇماروۆ.
سونداي-اق، شاراعا قازاقستان رەسپۋبليكاسىنىڭ ەڭبەك سىڭىرگەن مادەنيەت قىزمەتكەرى، جۋرناليست-ارداگەر سارباس اقتايەۆ، قازاق ءباسپاسوزىنىڭ ارداگەرى جاقىپ ماماديار، جازۋشىلار، زيالى قاۋىم وكىلدەرى مەن تانىمال جۋرناليستەر قاتىستى. بۇعان دەيىن الماتىدا «ەگەمەن قازاقستان» گازەتىنىڭ 100 جىلدىعىن مەرەكەلەۋ اياسىندا ءبىرقاتار سالتاناتتى ءىس-شارالار ءوتتى. سونىڭ ىشىندە جازۋشى ءابىش كەكىلبايەۆ اتىنداعى كوشەنىڭ اشىلۋى، سونداي-اق، جازۋشى شەرحان مۇرتازا تۇرعان ۇيگە مەموريالدىق تاقتا ورناتىلدى.
پىكىر قالدىرۋ