الماتى قالاسى اكىمى اپپاراتىنىڭ تىلدەردى دامىتۋ جانە لاتىن گرافيكاسىنا كوشۋ ورتالىعى 15 قاراشا كۇنى بوستاندىق اۋدانى اكىمى اپپاراتىنىڭ ءماجىلىس زالىندا «كوركەمسوز وقۋ شەبەرلەرى» قالالىق كونكۋرسىن وتكىزەدى.

كونكۋرستىڭ ماقسات-مىندەتتەرى: مەملەكەتتىك ءتىلدىڭ قولدانىلۋ اياسىن كەڭەيتۋ، ءتىل مادەنيەتىن كوتەرۋ، كوركەم ادەبيەتتى ناسيحاتتاۋدى جانداندىرۋ، تالانتتى جاستاردى تابۋ جانە جان-جاقتى كوتەرمەلەۋ. كوركەم ادەبيەتتى، قازاق قالامگەرلەرىنىڭ شىعارماشىلىق مۇراسىن ناسيحاتتاۋ، قازاقستاندىق رۋحاني بىرلىكتى نىعايتۋ جانە وتانسۇيگىشتىك سەزىمدى تاربيەلەۋ، كوپشىلىكتىڭ قازاقتىڭ ۇلتتىق مادەنيەتى مەن ونەرىنە، ادەبيەتى مەن تىلىنە دەگەن ىقىلاسىن ارتتىرۋ، جاستار اراسىندا كىتاپ وقۋ مادەنيەتىن دامىتۋ.

كونكۋرسقا كوركەمسوز وقۋ شەبەرلىگىن يگەرگەن 17-29 جاس ارالىعىنداعى جاستار قاتىسادى. بايقاۋعا كاسىبي ونەر سالاسىنىڭ ماماندارى، سونداي-اق وسى كونكۋرستىڭ وتكەن جىلدارداعى جەڭىمپازدارى جىبەرىلمەيدى.

كونكۋرس شارتى بويىنشا قاتىسۋشىلار قازاقتىڭ بەلگىلى اقىن، جازۋشى، دراماتۋرگتەرىنىڭ كوركەمدىگى جوعارى شىعارمالارىن نەمەسە شىعارمادان ءۇزىندى وقۋى كەرەك. شىعارمالار قازاقستان، تۋعان جەر، تاۋەلسىزدىك، استانا، ەل بىرلىگى، جاستىق شاق، ءتىل تۋرالى تاقىرىپتاردا بولۋى ءتيىس. كونكۋرس تومەندەگىدەي كەزەڭدەر بويىنشا وتكىزىلەدى:

1. پروزالىق شىعارما وقۋ؛
2. پوەزيالىق شىعارما وقۋ؛
3. درامالىق شىعارما وقۋ.

باس جۇلدەگە لايىق دەپ تانىلعان قاتىسۋشىعا ديپلوم مەن 200 000 تەڭگەنىڭ سەرتيفيكاتى بەرىلەدى. 1-ورىن يەگەرىنە I دارەجەلى ديپلوم جانە 150 000 تەڭگە اقشالاي سىيلىق، 2-ورىندى جەڭىپ العان قاتىسۋشىعا II دارەجەلى ديپلوم مەن 100 000 تەڭگە، 3-ورىن العان ادامعا III دارەجەلى ديپلوم جانە 70 000 تەڭگەنىڭ سەرتيفيكاتى تابىس ەتىلمەك.

سونداي-اق 2 ارنايى نوميناسيا يەگەرلەرىنىڭ ءارقايسىسى ديپلوم جانە 35 000 تەڭگەمەن ماراپاتتالماق. ەكى قاتىسۋشىعا ديپلوم جانەن 30 000 تەڭگە كولەمىندەگى ىنتالاندىرۋ سىيلىعى ۇسىنىلىپ وتىر.