الەۋمەتتىك جەلىدە كامەلەتكە تولماعانداردىڭ جاپپاي توبەلەسكەن ۆيدەوسى پايدا بولدى دەپ جازادى Qamshy.kz اقپارات اگەنتتىگى جەرگىلىكتى lada.kz سايتىنىڭ دەرەگىن نەگىزگە الىپ. اتالمىش وقيعا كەشە ساعات 14:00-دە بولعان.
ماڭعىستاۋ وبلىسى پوليسيا دەپارتامەنتىنىڭ باسپا ءسوز قىزمەتى جاسوسپىرىمدەر مەن ولاردىڭ اتا-اناسىنىڭ ءاتى-جونى انىقتالعانىن حابارلادى.
"توبەلەس كەزىندە ەشكىم زارداپ شەككەن جوق. اۋرۋحاناعا ەشكىم بارمادى. ءبارىن تەكسەردىك. توبەلەسكە قاتىسقانداردىڭ بىردە-بىرى ەسەپتە تۇرعان جوق. اقتاۋدىڭ كامەلەتكە تولماعانداردىڭ ىستەر جونىندەگى پوليسياسى جاسوسپىرىمدەرمەن جانە ولاردىڭ اتا-انالارىمەن ءتۇسىندىرۋ جۇمىسىن جۇرگىزدى"، - دەپ حابارلادى ۆەدومستۆونىڭ باسپا ءسوز قىزمەتى.
اتالعان فاكت بويىنشا ق ر اكىمشىلىك قۇقىق بۇزۋشىلىق تۋرالى كودەكسىنىڭ 435 بابى بويىنشا حاتتاما جاسالدى (ق ر وا). ماتەريالدار اقتاۋ قالاسى اكىمدىگى جانىنداعى كامەلەتكە تولماعانداردىڭ قۇقىقتارىن قورعاۋ جونىندەگى كوميسسياعا جىبەرىلەدى.
پىكىر قالدىرۋ