14-16 قاراشا ارالىعىندا ق ر پرەمەر-مينيسترىنىڭ ورىنباسارى بەردىبەك ساپاربايەۆ باستاعان ۇكىمەتتىڭ جۇمىس توبى ىسساپارمەن جامبىل جانە الماتى وبلىستارىنا، سونداي-اق الماتى قالاسىنا بارادى، دەپ حابارلايدىپرەمەر-مينيستر ورىنباسارىنىڭ باسپا ءسوز قىزمەتى.

جۇمىس توبىنىڭ قۇرامىنا ۇكىمەتتىڭ الەۋمەتتىك بلوگىنىڭ: ءبىلىم جانە عىلىم، دەنساۋلىق ساقتاۋ، ەڭبەك جانە حالىقتى الەۋمەتتىك قورعاۋ، مادەنيەت جانە سپورت، اقپارات جانە قوعامدىق دامۋ مينيسترلىكتەرىنىڭ باسشىلارى كىرەدى.

وڭىرلەردە جۇمىس توبىنىڭ مۇشەلەرى جۇرتشىلىقپەن، ەڭبەك ۇجىمدارىمەن، دەنساۋلىق ساقتاۋ جانە ءبىلىم بەرۋ سالاسىنىڭ قىزمەتكەرلەرىمەن، جاستارمەن كەزدەسەدى. ازاماتتاردى جەكە ماسەلەلەرى بويىنشا قابىلدايدى، ءبىرقاتار الەۋمەتتىك جانە مادەني نىسانداردى، سونداي-اق اۋدانداردى ارالاپ، كوپتەگەن مادەني ءىس-شارالارعا قاتىسادى.

اتاپ ايتقاندا، 14 قاراشادا تاراز قالاسىندا التىن وردانىڭ 750 جىلدىعىنا ارنالعان «تالاس قۇرىلىسى: تاريح پەن تاعىلىم» اتتى حالىقارالىق عىلىمي-پراكتيكالىق كونفەرەنسيا وتەدى.

15 قاراشادا الماتىدا رەسپۋبليكالىق جاستار فورۋمى، مۇگەدەكتەردىڭ قۇقىقتارىن قورعاۋ جونىندەگى ۇيلەستىرۋ كەڭەسى جانە تەحنيكالىق وڭالتۋ قۇرالدارىنىڭ كورمەسى وتەدى.

ال الماتى وبلىسىنا ۇكىمەتتىڭ جۇمىس توبى 15-16 قاراشا كۇندەرى كەلەدى.

جۇمىس ساپارىنىڭ نەگىزگى ماقساتى – ەلباسىنىڭ «سىندارلى قوعامدىق ديالوگ-قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا بەلگىلەنگەن مىندەتتەردى ەل ۇكىمەتىنىڭ ىسكە اسىرۋى تۋرالى حالىقتى اقپاراتتاندىرۋ.

وسىعان دەيىن ۇكىمەتتىڭ جۇمىس توبىنىڭ وكىلدەرى اتىراۋ، اقتوبە، شىعىس قازاقستان، تۇركىستان وبلىستارى مەن الماتى جانە شىمكەنت قالالارىنىڭ تۇرعىندارىمەن كەزدەسكەن بولاتىن.