پرەزيدەنت قاسىم-جومارت توقايەۆ "CNPC" كورپوراسياسى ديرەكتورلار كەڭەسىنىڭ ءتوراعاسى ۆان ءيليندى قابىلدادى – دەپ Qamshy.kz اقپارات اگەنتتىگى حابارلايدى، اقورداعا سىلتەمە جاساپ.
مەملەكەت باسشىسى قازاق-قىتاي اراسىنداعى تاتۋ كورشىلىك قارىم-قاتىناستاردىڭ قارقىندى دامىپ كەلە جاتقانىن ايتا كەلىپ، ەلىمىزدىڭ الەۋمەتتىك-ەكونوميكالىق ورلەۋىنە "CNPC" كومپانياسىنىڭ قوسقان ۇلەسىن جوعارى باعالادى.
"CNPC" كومپانياسى مۇناي ءوندىرۋ، وڭدەۋ، كومىرسۋتەگىن تاسىمالداۋ سالالارىندا ەڭبەك ەتەدى. ءسىزدىڭ كورپوراسيا جۇزەگە اسىرىپ جاتقان جوبالار قازاقستان ەكونوميكاسىندا اسا ماڭىزدى ءرول اتقارادى"، – دەدى توقايەۆ.
پرەزيدەنت "CNPC" باسشىلىعىنىڭ الدىنا قازاقستاندىق جۇمىسشىلاردىڭ جالاقىسىن كوتەرۋگە، ولاردىڭ ايلىعىن شەتەلدىك جۇمىسشىلارعا تولەنەتىن ەڭبەكاقى دەڭگەيىمەن تەڭەستىرۋگە، سونداي-اق تاۋار ساتىپ الۋ جانە قىزمەت كورسەتۋ ىسىندە قازاقستاندىق ءونىمنىڭ ۇلەسىن ارتتىرۋعا بايلانىستى ءبىرقاتار مىندەت قويدى.
ال ۆان يلين قاسىم-جومارت توقايەۆقا قولداۋ كورسەتكەنى ءۇشىن العىس ايتىپ، ءوزارا ءتيىمدى ىنتىماقتاستىقتى ودان ءارى دامىتۋعا قاتىستى كومپانيانىڭ الدىنا قويىلعان مىندەتتەرگە تۇسىنىستىكپەن قارايتىنىن جەتكىزدى.
پىكىر قالدىرۋ