قاراعاندى وبلىسىندا اۋىل تۇرعىندارى دالادان ايەلدىڭ ورتەنگەن ءمايىتىن تاپتى، – دەپ Qamshy.kz اقپارات اگەنتتىگى حابارلايدى.
رەسمي اقپاراتقا سۇيەنسەك، ايەلدىڭ دەنەسى نوۆايا دۋبوۆكا اۋىلىنان ەكى شاقىرىم قاشىقتىقتا تابىلعان. ءمايىت تولىعىمەن ورتەلمەگەن. تەرگەۋشىلەر ايەلدىڭ اباي اۋدانىنىڭ 42 جاستاعى تۇرعىنى ەكەنىن انىقتادى. شۇعىل ىزدەستىرۋ شارالارى بارىسىندا كۇدىكتى ۇستالدى. ول ايەلدىڭ تانىسى بولىپ شىقتى.
"21 جاستاعى ەر ادام ءوز كىناسىن مويىندادى. ايەلمەن ۇرسىسىپ قالعاسىن وعان جاراقات سالعان. ارتىنان مايىتتەن قۇتىلماقشى بولعان. ءسويتىپ، 21 جاستاعى دوسىمەن بىرگە ايەلدىڭ دەنەسىن دالاعا اپارىپ، ورتەپ جىبەرگەن"، – دەيدى وبلىستىق پوليسيا ماماندارى.
كۇدىكتىلەردىڭ ءمايىتتى قاي كولىكپەن تاسىمالداعانى انىقتالدى. كولىك قۇرالى تاركىلەندى. كۇدىكتىنىڭ جولداسىنا قاتىستى بۇلتارتپاۋ شاراسىن قابىلداۋ ماسەلەسى قارالىپ جاتىر.
پىكىر قالدىرۋ