الماتىدا "مەن جاستارعا سەنەمىن!" اتتى رەسپۋبليكالىق جاستار فورۋمىندا  ۆيسە-پرەمەر بەردىبەك ساپاربايەۆ ەل جاستارىنا ۇندەۋ جاسادى، – دەپ حابارلايدى Qamshy.kz اقپارات اگەنتتىگى.

"ءبىز ۇكىمەت مۇشەلەرى سىزدەرمەن كەزدەسكەنىمىزگە قۋانىشتىمىز. سىزدەر جاسسىزدار، سىزدەردىڭ بويلارىڭىزدا ۇلكەن كۇش–قۋات بار، جىگەر، قايرات، ءبىلىم بار. سونىڭ بارلىعىن ءتيىمدى پايدالانۋ كەرەك. مەملەكەتىمىزدىڭ دامۋىنا ۇلەس قوسىڭىزدار. تۇڭعىش پرەزيدەنت كۇنىنە ارنالعان وسى شاراعا قىزىعۋشىلىق تانىتىپ، اتسالىسىپ جاتقاندارىڭىز ءۇشىن بارلىعىڭىزعا ەرەكشە العىس ايتقىم كەلدى. مەملەكەت ءار ۋاقىتتا سىزدەردى قولداعان، ءارى قاراي دا قولدايدى. سىزدەرگە اقجول تىلەيمىز!"، – دەدى ساپاربايەۆ.

ۆيسە-پرەمەردىڭ مالىمدەۋىنشە، مەملەكەت جاستارعا ءوز تالانتتارىن اشۋعا جاعداي جاساۋ كەرەك.

"قازاقستاندىق جاستار حالىقارالىق ستاندارتتارعا ساي ءبىلىم الۋ ءۇشىن "بولاشاق" باعدارلاماسى، ەلىمىزدىڭ بارلىق وڭىرىندەگى نازاربايەۆ زياتكەرلىك مەكتەبى ارنايى قۇرىلدى. ق ر تۇڭعىش پرەزيدەنتى نۇرسۇلتان ءابىش ۇلىنىڭ تاپسىرماسىنا سايكەس، ءبىز جول كارتاسىن جاسادىق، وعان ەلىمىزدىڭ بيۋدجەتىنەن شامامەن 300 ميلليارد تەڭگە قاراستىرىلعان. بۇل از قارجى ەمەس، جالپى ىشكى ءونىمنىڭ 0،5% قۇرايدى. ۇكىمەت سىزدەرگە بارلىق جاعدايدى جاساۋعا مىندەتتى. اتاپ ايتار بولساق، بيزنەسپەن اينالىسىپ، ءوز كاسىبىڭىزدى اشۋعا كومەكتەسەمىز. ول ءۇشىن "جاس كاسىپكەر"، "جاس مامان"، "باستاۋ بيزنەس" باعدارلامالارى جۇزەگە اسىرىلۋدا"،  – دەپ ءسوزىن تولىقتىردى بەردىبەك ساپاربايەۆ.

بايانداما بارسىندا ول پرەزيدەنتتىڭ 2020 جىلدى ەرىكتىلىك جىلى دەپ جاريالاعانىن ەسكە سالدى.

"ءقازىر ءبىزدىڭ مينيسترلىك ەرىكتىلەر جىلىنا قاتىستى ءىس-شارالار جوسپارىن ازىرلەپ جاتىر. مەن سىزدەردىڭ ەرىكتىلەر قوزعالىسىنا قاتىساتىندارىڭىزدى جاقسى بىلەمىن. نەگىزى ءار ادام ءوز ەلىنىڭ دامۋىنا قانداي ۇلەس قوساتىنى جايلى ويلانۋى كەرەك. تەك سوندا عانا جاقسى ناتيجيەگە قول جەتكىزەمىز"، – دەپ ءسوزىن تۇيىندەدى ۆيسە-پرەمەر.