الماتى-بىشكەك تاس جولىندا ءۇش كولىكتىڭ سوقتىعىسۋىنان ءبىر ادام مەرت بولىپ، 8 ادام ءتۇرلى دەنە جاراقاتىمەن اۋرۋحاناعا جەتكىزىلدى، – دەپ Qamshy.kz اقپارات اگەنتتىگى حابارلايدى.

كولىك اپاتى بۇگىن  الماتى-بىشكەك تاسجولىنىڭ 94-شاقىرىمىندا بولعان.

اتالعان فاكتى بويىنشا سوتالدى تەرگەۋ باستالدى.

"تويوتا ەستيما"، "نيسسان ماكسيما" جانە "حيۋنداي ستارەكس" كولىكتەرى سوقتىعىسقان. اپاتقا نە سەبەپ بولعانى تەرگەۋ بارىسىندا انىقتالادى. تەرگەۋ ق ر قك 345-بابىنىڭ 3-تارماعىنا سايكەس ءجۇرىپ جاتىر. قاجەتتى ساراپتامالار تاعايىندالدى"،- دەپ الماتى وبلىستىق پوليسيا دەپارتامەنتىنىڭ باسپا ءسوز قىزمەتى مالىمدەدى.

ءقازىر وقيعا ورنىندا پوليسەيلەر جۇمىس ىستەپ جاتىر.

ال كولىك اپاتىنان زارداپ شەككەندەر – جامبىل، تۇركىستان جانە الماتى وبلىسىنىڭ تۇرعىندارى. جاس ەرەكشەلىكتەرى 21-34 جاس ارالىعىندا. ولاردىڭ بارلىعى ۇزىناعاش اۋىلىنداعى اۋرۋحاناعا جەتكىزىلگەن. ال كولىك اپاتىنان مەرت بولعان ايەل ادامنىڭ كىم ەكەنى ازىرگە انىقتالمادى.

سونداي-اق الماتى وبلىسىنىڭ پوليسەيلەرى كولىك جۇرگىزۋشىلەرگە جولدا اباي بولۋدى قاتاڭ ەسكەرتەدى.

"كولىك دوڭگەلەكتەرىن قىستىق اۆتوشيناعا اۋىستىرۋ كەرەك. كەي جەردە قار جوق دەپ تاۋەكەلگە بەل بۋىپ، جولعا شىعىپ كەتۋگە بولمايدى. اۋا رايى كۇرت وزگەرۋى مۇمكىن. سوندىقتان ادام ومىرىنە بەيجاي قاراماۋدى ەسكەرتەمىز"، – دەپ وبلىستىڭ پوليسەيلەر ءسوزىن  تولىقتىردى.