سينوپتيكتەر  19-21 قاراشا ارالىعىنا ارنالعان اۋا رايى بولجامىن جاريالادى – دەپ Qamshy.kz اقپارات اگەنتتىگى حابارلايدى، "قازگيدرومەت" رمك باسپا ءسوز قىزمەتىنە سىلتەمە جاساپ.

كارسك تەڭىزىنىڭ اركتيكالىق اۋا ماسسالارىندا قالىپتاسقان انتيسيكلون وڭتۇستىك-باتىسقا قاراي ىعىسادى. ال 21 قاراشادا رەسەيدىڭ ەۋروپالىق اۋماعىنداعى ورتالىق اۋداندارعا جەتەدى.

"قازاقستانعا اركتيكالىق تەڭىزدەن باتىس ءسىبىر ارقىلى سۋىق اۋا ماسساسى كەلىپ، سونىڭ اسەرىنەن ەلدىڭ باسىم بولىگىندە كۇن ايتارلىقتاي سۋىتادى. سولتۇستىك، ورتالىق جانە شىعىس وبلىستاردا اۋا تەمپەراتۋراسى -28…-33°س دەيىن تومەندەيدى. سونداي-اق، كەي جەرلەردە قار جاۋىپ، بۇرقاسىنداتادى، قاتتى جەل سوعادى"، – دەلىنگەن حابارلامادا.

ودان وزگە  باتىس، وڭتۇستىك جانە وڭتۇستىك-شىعىس وبلىستاردىڭ كەيبىر ايماعىندا قار، كوكتايعاق جانە تۇمان بولادى دەپ بولجانىپ وتىر. بۇل وڭىرلەردە دە كۇن سۋىتادى، تۇندە -7…-15°س، قيىر وڭتۇستىكتە -3…-8°س-قا دەيىن.