الماتىدا 15-16 قاراشادا قالالار اراسىنداعى سەرىكتەستىك جانە باۋىرمالدىق قاتىناستاردىڭ 25 جىلدىعىنا ورايلاستىرىلعان  ماسكەۋدىڭ مادەني كۇندەرى وتەدى.

ەڭ باستى وقيعا ماسكەۋ ۇكىمەتىنىڭ ەكونوميكالىق كونفەرەنسياسى بولماق، ونىڭ الدىندا الماتى قالاسىنىڭ اكىمدىگى مەن ماسكەۋ ۇكىمەتى 2020-2023 جىلدارعا ارنالعان ىنتىماقتاستىق تۋرالى مەموراندۋمعا قول قويادى دەپ جوسپارلانۋدا.

كونفەرەنسيادا بولاشاق مەگاپوليستەرىنىڭ ينفراقۇرىلىمدىق، سونىمەن قاتار قوس قالانىڭ ەكونوميكالىق، ينۆەستيسيالىق جانە ىسكەرلىك ىنتىماقتاستىعىنىڭ ماسەلەلەرى قارالاتىن بولادى.

قازاقستاننىڭ وڭتۇستىك استاناسىنا مادەني باعدارلاما اياسىندا ۇزدىك ماسكەۋلىك ۇجىمدار كونسەرتتەرىمەن، سپەكتاكلدەرىمەن كەلدى، جاستار قۇرامالارى اراسىندا بوكستان تۋرنير وتەدى، قالا ورتالىعىندا ەكى مەگاپوليستىڭ دوستىعىنا ارنالعان ارت-وبەكت اشىلادى، ال اباي اتىنداعى مەملەكەتتىك اكادەميالىق وپەرا جانە بالەت تەاترىندا ماسكەۋ مەن الماتى اراسىنداعى قارىم-قاتىناستىڭ تاريحىنا ارنالعان سۋرەت كورمەسى ۇيىمداستىرىلادى.

الماتىدا ماسكەۋدىڭ مادەني كۇندەرىنىڭ رەسمي باعدارلاماسى 15 قاراشادا، جۇما كۇنى 28ء-شى گۆاردياشىل-پانفيلوۆشىلار اتىنداعى پاركتەگى داڭق مەموريالىنا گۇل شوقتارىن قويۋمەن باستالادى. ماسكەۋلىك دەلەگاسيانى ماسكەۋ ۇكىمەتىنىڭ ءمينيسترى، سىرتقى ەكونوميكالىق جانە حالىقارالىق بايلانىستار دەپارتامەنتىنىڭ باسشىسى سەرگەي چەرەمين باستاپ كەلدى. دەلەگاسيانى الماتى اۋەجايىندا قالا اكىمىنىڭ ورىنباسارى ەرجان باباقۇماروۆ قارسى الدى.