قازاقستاننىڭ وڭتۇستىگىندە بوكسيت كەنىن ىزدەۋ كەزىندە تۇركىستان وبلىسىنان مۇناي تابىلدى، دەپ حابارلايدى LS.
وبلىس اۋماعىنداعى شوقپاق ۋچاسكەسىندە پولەوزوي داۋىرىندەگى جىنىستان، ۇلكەن قاراتاۋ تاۋارالىق ويىسىندا العاش رەت تاياۋ تەرەڭدىكتە ورنالاسقان مۇناي تابىلعان.
ىزدەۋ-تۇسىرۋ ەكسپەديسياسى ۇلكەن قاراتاۋ لەونتيەۆ ويىسىنداعى گەوفيزيكالىق اۋىتقۋلارعا بوكسيت كەنى جانە ونىمەن بايلانىستى قورعاسىن، مىرىش ىزدەۋ ءۇشىن زەرتتەۋ جۇرگىزگەن. وسى ماقساتتا 300 مەترگە دەيىنگى تەرەڭدىكتەگى ۇڭعىما بۇرعىلاندى. بۇرعىلانعان ءتۇرلى تەرەڭدىكتەگى 39 ۇڭعىمانىڭ 11-ىنەن قوڭىر ءتۇستى رەڭكتەگى سۇيىق-تامشىلى مۇناي تابىلعان.
شوقپاق ۋچاسكەسىندە مۇنايدىڭ تابىلۋى قازاقستاننىڭ تاۋلى جەرىندە العاش رەت ورىن الىپ وتىر جانە سىرداريا مەن شۋ-سارىسۋ ويىسىنداعى مۇنايگازدىلىقتى بولجاۋدا ماڭىزدى مانگە يە.
بۇدان بۇرىن شۋ-سارىسۋ ويىسىندا بىرنەشە ۇساق گاز كەن ورنى اشىلعان بولاتىن. ونىڭ ىشىندەدى امانگەلدى جانە پريدوروجنىي كەن ورىندارى كوپكە بەلگىلى. ەندى سىرداريا جانە شۋ-سارىسۋ ويىستارىندا مۇناي ىزدەۋدىڭ كەلەشەگىنە جول اشىلىپ وتىر.
پىكىر قالدىرۋ