گەندەرلىك تەڭدىككە باعىتتالعان يپوتەكالىق ءونىم ەلىمىزدە ا العاش رەت ازىرلەنىپ وتىر، – دەپ Qamshy.kz اقپارات اگەنتتىگى حابارلايدى.
ازيا دامۋ بانكى "گەندەرلىك تەڭدىككە تۇرعىن ءۇيدى قارجىلاندىرۋدا جاردەمدەسۋ" جوباسى اياسىندا تۇرعىن ءۇي قۇرىلىس جيناق بانكىنە 100 ميلليون دوللار كرەديت بەرەدى.
قارىز تۋرالى كەلىسىم ۇلتتىق ەكونوميكا ءمينيسترى رۋسلان دالەنوۆ پەن ادب پرەزيدەنتى تاكەحيكو ناكاونىڭ كەزدەسۋىندە بەكىتىلدى.
"ابد تۇرعىن ءۇي قۇرىلىس جيناق بانكىمەن مۇلدە جاڭا جوباعا قول قويدى. تەك قانا ايەلدەرگە جەڭىلدەتىلگەن كرەديت ۇسىنىلادى. مەنىڭ بىلۋىمشە، 12%-كە دەيىن. مۇنداي جوبالار ءقازىر سۇرانىسقا يە. گەندەرلىك قارجىلاندىرۋ، شىنىمەن، وزەكتى ماسەلە، ءبىز ونى دامىتاتىن بولامىز"، - دەپ ۇكىمەت ساعاتىندا دالەنوۆ ءمالىم ەتتى.
يپوتەكا كىمدەرگە بەرىلەدى
قولجەتىمدى قارجىلاندىرۋدى 3 مىڭنان اسا ايەل پايدالانا الادى.
ادب قارىزىنىڭ 60%-تەن استامى اۋىل ايەلدەرىنە بەرىلەدى. كەم دەگەندە 20%ء-ى – تابىسى تومەن ايەلدەرگە ۇسىنىلادى، دەلىنگەن ازيا دامۋ بانكىنىڭ حابارلاماسىندا.
ەسكە سالساق، وسىعانعا دەيىن ادب قازاقستاندا ەرلەرگە قاراعاندا ايەلدەرگە قولجەتىمدى يپوتەكا الۋ قيىنىراق ەكەنىن مالىمدەگەن ەدى. ال وعان ايەلدەر جالاقىسىنىڭ تومەن بولۋى سەبەپ ەكەن.
پىكىر قالدىرۋ