الماتىدا قالالار اراسىنداعى سەرىكتەستىك جانە باۋىرمالدىق قاتى­ناس­تاردىڭ 25 جىلدىعىنا ورايلاس­تىرىلعان ماسكەۋ مادەنيەتىنىڭ كۇندەرى وتۋدە.

شىرايلى شاھارعا تابان تىرەگەن ماسكەۋ دەلەگاسياسىن ماسكەۋ ۇكىمەتىنىڭ ءمينيسترى، سىرتقى ەكونو­ميكالىق جانە حالىقارالىق بايلانىس­تار دەپارتامەنتىنىڭ باسشىسى سەرگەي چەرومين باستاپ كەلدى. مادەني كۇندەر 28 گۆاردياشىل-پانفيلوۆشىلار سايابا­عىنان ورىن تەپكەن «داڭق»  مەموريا­لىنا گۇل شوقتارىن قويۋدان باستالدى.

ودان سوڭعى ءىس-شارا «الماتى ارەنا» سارايىندا ۇيىمداستىرىلعان ءجاسوس­پىرىمدەر اراسىنداعى بوكس تۋرنيرىمەن جالعاستى.

«Rءىxos» قوناقۇيىندە وتكەن ەكونومي­كالىق-ىسكەرلىك كونفەرەن­سياسىنىڭ پلەنارلىق سەسسيالارىندا ەكى مەگاپو­ءليستىڭ ينفراقۇرىلىمدىق، سونىمەن قاتار، قوس قالانىڭ ەكونومي­كالىق، ينۆەستيسيالىق جانە ىسكەرلىك ىنتىماق­تاستىعىنىڭ ماسەلەلەرى تال­قىلاندى. 1994 جىلدىڭ قازان ايىندا الماتى مەن ماسكەۋ ءوزارا باۋىرلاس قالا ەكەندىك­تەرىن رەسمي تۇردە مالىمدەپ، ءوزارا ىنتىماقتاستىق كەلىسىمىنە قول قويعان بولاتىن. سول دوستىققا 25 جىل تولىپ وتىر. ەكى مەگاپوليس اراسىنداعى مادەني، رۋحاني ءىس-شارالار دا سودان بەرى ءبىر توقتاعان ەمەس. ءبىلىم، دەنساۋلىق، مادەنيەت سالاسىندا بىرلەسىپ اتقارعان جوبالار قاراسى دا ءبىرشاما.

اباي اتىنداعى مەملەكەتتىك اكادە­ميالىق وپەرا جانە بالەت تەاترىندا ماسكەۋ مەن الماتى اراسىنداعى دوستىق قارىم-قاتىناستىڭ قاشان، قالاي ورناپ، دامىعاندىعىن بەينەلەيتىن «الماتى–ماسكەۋ دوستىعىنا 25 جىل» فوتوكورمەسى ۇيىمداستىرىلدى. كورمە ەكسپوزيسياسىنا ماسكەۋ قالالىق باس ارحيۆىنەن الىنعان تاريحي قۇجاتتار مەن فوتوگرافيالار قويىلعان.

مادەنيەت كۇندەرى اياسىندا قازاق­ستاننىڭ وڭتۇستىك استاناسىنا ماسكەۋ­لىك الدىڭعى قاتارلى ونەر ۇجىمدارى دا كەلدى. ولار اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ اسەم دە ەڭسەلى ساحناسىندا ونەرلەرىن كورسەتتى.

نۇرجامال الىشيەۆا