الماتىنىڭ ماقتانىشى – «شىمبۇلاق» تاۋ-شاڭعى كەشەنىندە سىرعاناۋ ماۋسىمى اشىلدى. بۇل تۋرالى قالا باسشىسى باقىتجان ساعىنتايەۆ ءوزىنىڭ instagram-داعى پاراقشاسىندا حابارلادى.
"شىمبۇلاقتا شاڭعى ماۋسىمىن اشتىق. بيىل مۇنداعى جالعا بەرىلەتىن ايماق ەكى ەسەگە ارتتى. بارلىق جابدىقتار جاڭارتىلىپ، تاۋ شاڭعىسىنىڭ سانى ءۇش مىڭعا دەيىن كوبەيتىلدى. كۇردەلىلىگى ءتۇرلى دەڭگەيدە بولاتىن 25 شاقىرىم تراسسا دايىندالدى.
وتكەن جىلى مۇندا شامامەن 682 مىڭ ادام بولدى. ونىڭ 220 مىڭى شاڭعىشىلار. كەلۋشىلەردىڭ جىل سايىن 15 پايىزعا ءوسۋى تۋريستەرگە كورسەتىلەتىن قىزمەت دەڭگەيىنىڭ كوتەرىلگەنىن بىلدىرەدى.
65 جىلدىعىن اتاپ وتكەلى وتىرعان تاۋ كۋرورتى شەتەلدىك تۋريستەر ءۇشىن، اسىرەسە رەسەي، جۇڭگو جانە وڭتۇستىك كورەيا ەلدەرىنە تانىمال دەمالىس ورنىنا اينالدى" دەگەن قالا اكىمى الماتىلىقتارعا ماۋسىمنىڭ ءساتتى، جارقىن كۇندەردىڭ كوپ بولۋىن تىلەدى.
پىكىر قالدىرۋ