الماتى قالاسىنىڭ اكىمى باقىتجان ساعىنتايەۆتىڭ اۋدان تۇرعىندارىمەن كەزدەسۋىندە بيىل الاتاۋ اۋدانىندا 3400 جاڭا جۇمىس ورنى قۇرىلعانى ايتىلدى. ونىڭ ىشىندە يندۋستريالدى ايماقتا 7 جاڭا كاسىپورىن ىسكە قوسىلىپ، 1500 جاڭا جۇمىس ورنى اشىلدى. كاسىپكەرلىكتى جاڭا باستاعانداردى وقىتۋعا جانە ەڭبەكپەن قامتۋعا ەرەكشە نازار اۋدارىلعان.

«بيزنەس-باستاۋ» باعدارلاماسى بويىنشا الاتاۋ اۋدانىندا 474 ادام ءدارىس الدى، ولاردىڭ 108ء-ى كوپبالالى انالار، 267 ادام وقۋلارىن جالعاستىرۋدا، ولاردىڭ 85ء-ى كوپبالالى انالار. «جاس كاسىپكەر» باعدارلاماسى بويىنشا 260 ادام وقۋىن اياقتادى. «ىسكەر انا» باعدارلاماسى بويىنشا 17 كوپبالالى انا وزدەرىنىڭ جەكە ىستەرىن اشتى.

«الماتى-شەتسىز قالا» جانە «الماتى بيزنەس-2025» باعدارلامالارى بويىنشا «الماتى» اكك قۇرىلىمدىق بولىمشەلەرى اۋداننىڭ شاعىن كاسىپورىندارىنا 1،1 ملرد. تەڭگەدەن استام نەسيە بەرۋ جونىندە جۇمىستار جۇرگىزۋدە. مۇندا پايىزدىق مولشەرلەمە 7 پايىزدان اسپايدى. بۇدان وزگە اۋدان كاسىپكەرلەرىنە ميكرونەسيەلەر تۇرىندە 47 ملن. تەڭگە ءبولۋ ماسەلەسى قاراستىرىلۋدا.

پوليسيا جۇمىسىنىڭ جاڭا سەرۆيستىك ۇلگىسى بويىنشا قالادا پوليسيانىڭ 22 ءمودۋلدى پوستىسى اشىلدى، ونىڭ ەكەۋى الاتاۋ اۋدانىندا. اۋدان تۇرعىندارىنىڭ ءوتىنىشى بويىنشا باعدارشامدار مەن تىيىم سالاتىن جول بەلگىلەرىن ورناتۋ، باعدارشامدار جۇمىسىن رەتتەۋ بويىنشا ءبىرقاتار شارالار ىسكە استى.

جۇرگىزۋشى ءتارتىبىن كۇشەيتۋ ماقساتىندا كوشەلەردىڭ بەس بۇرىلىستارى مەن 24 ۋچاسكەسىنە «سەرگەك» اپپاراتتىق-باعدارلامالىق كەشەندەر ورناتىلدى.