الماتى قالاسى الاتاۋ اۋدانىندا 131 اۋلا اۋماعى بار. ولاردىڭ 125-ىندە كوشە جارىعى ماسەلەسى شەشىلدى، 53 اۋلا تولىق اباتتاندىرىلدى. «اقبۇلاق»، «دارحان»، «وجەت»، «13-14 اۋماقتار»، «زەردەلى»، «سامعاۋ»، «ايگەرىم» جانە «العاباس» ىقشاماۋداندارىن سۋ باسىپ قالۋ پروبلەماسىن شەشۋ ءۇشىن ۇزىندىعى 6 كم بولاتىن ارىق جەلىسىن سالۋعا قارجى ءبولىندى. بۇل تۋرالى قالا اكىمىنىڭ اۋدان تۇرعىندارىمەن كەزدەسۋىندە بەلگىلى بودى.

«دارحان»، «شاپاعات»، «ايگەرىم-2»، «توميريس»، «وجەت»، «شاڭىراق-1» ىقشاماۋداندارىندا كوشە جارىعىنىڭ 767 باعاناسى ورناتىلدى.

«نۇركەنت»، «سايالى»، «شاپاعات»، «زەردەلى» ىقشاماۋداندارىندا 10 مىڭنان استام اعاش وتىرعىزىلدى. ءۇش جىلدىق Jasyl Almaty جوباسى اياسىندا اۋدان اۋماعىندا 135 مىڭ اعاش وتىرعىزىلاتىن بولادى.

اۋداندا ۇزىندىعى 120 كم بولاتىن جانە 12 ىقشاماۋداندى («اقبۇلاق»، «قاراسۋ»، «كوك-قاينار»، «ۇلجان-2»، «العاباس-ازتم»، «توميريس»، «ۇلجان-1»، «شاڭىراق-2»، «دارحان-بايبەسىك»، «ايگەرىم-1»، «ايگەرىم-2»، «سايالى-2») قامتيتىن جاڭا جول سالىنۋدا.

بيىلعى جىلى «شاڭىراق-2»، «ۇلجان-1»، «كوكقاينار»، «ايگەرىم»، «قاراسۋ»، «دارحان» ىقشاماۋداندارىنداعى ۇزىندىعى 23 كيلومەتردەن اساتىن 24 كوشەگە ورتاشا جوندەۋ جۇمىستارى جۇرگىزىلدى.

قازىرگى كەزدە اۋداندا 641 اۆتوبۋس قىزمەت كورسەتەتىن 45 باعىت بار. تۇرعىنداردىڭ ءوتىنىشى بويىنشا 2019 جىلدىڭ سوڭىنا دەيىن قوعامدىق كولىكتىڭ قالالىق پاركىن 200 اۆتوبۋس بىرلىگىمەن تولىقتىرۋ جوسپارلانعان. وسىنىڭ ەسەبىنەن جاڭا باعىتتار اشىلادى جانە بۇرىننان بار باعىتتاردا اۆتوبۋس سانى ارتاتىن بولادى. №69 جانە №102 باعىتتار ۇزارادى، №10 باعىتتاعى اۆتوبۋستار جاڭارادى.