ف. م. دوستويەۆسكيي اتىنداعى ورىس دراما تەاترى ءۇشىن 2019 جىل تابىستى بولدى. بۇل جىلى ۇجىم تاباندى جۇمىس اتقارىپ، كورەرمەندەردىڭ ۇلكەن قىزىعۋشىلىعىن تۋدىرعان قويىلىمدار قاتارى كوبەيدى. پرەمەرالىق سپەكتاكلدەرگە بيلەتتەر ءبىر اي بۇرىن ساتىپ الىندى.
وسى جىلى تەاتر ۇجىمى تەك سەمەي ساحناسىندا ونەر كورسەتىپ قانا قويماي، رەسەيدىڭ سولتۇستىك استاناسىنىڭ تۇرعىندارىن ءتانتتى ەتتى. كوكتەمدە ولار سانكت - پەتەربۋرگتە وتكەن حالىقارالىق فەستيۆالىنە قاتىسىپ، قازىلار القاسى مەن كورەرمەندەردىڭ كوزايىمىنا اينالعان ەدى. جاقىندا "پەرىشتە" سپەكتاكلى ءامينا ءومىرزاقوۆانىڭ 100 جىلدىعىنا ارنالعان رەسپۋبليكالىق تەاتر فەستيۆالىندە "ۇزدىك كوركەمدىك شەشىم" نوميناسياسىن جەڭىپ الدى. ۇجىم وزدەرىن زاماناۋي ەۋروپالىق تەاتر رەتىندە تانىتا الدى. تەاتر تەاrt-كوكشە ءى-شى حالىقارالىق تەاتر فەستيۆالىنىڭ گران-پريىن جەڭىپ الدى. ولار ساحنالاعان "ريەۆيزور" تاعى دا فەستيۆالدىڭ ەڭ ۇزدىك قويىلىمى دەپ تانىلدى. ارنايى كوميسسيانىڭ شەشىمىمەن رەسەيدە وتەتىن "اتومگراد-2019" حالىقارالىق بايقاۋىنا "ياششەريسا" قويىلىمى تاڭدالىپ الىنىپ، 7 قاراشا كۇنى ونەرپازدار بۇكىل قازاقستان اتىنان وسى بايقاۋدا ونەر كورسەتەدى.
تەاتردىڭ ءاربىر جەتىستىگىندە – باسشىسى ياكوۆ گورەلنيكوۆتىڭ ۇلكەن ۇلەسى بار. ول 35 جىلدان استام ۋاقىت بويى تەاتر ۇجىمىن باسقارىپ كەلەدى. بۇگىندە ونەر ورداسى كۇللى ەلىمىزگە تانىمال.
پىكىر قالدىرۋ