ەرتەڭ، ياعني 27 قاراشادا الماتى قالاسى تۇرعىن ءۇي ساياساتى باسقارماسى «جاس وتباسىلارعا ارنالعان تۇرعىن ءۇي» باعىتى بويىنشا «قازاقستاننىڭ تۇرعىن ءۇي قۇرىلىس جيناق بانكى» اق جەلىسى اياسىندا «ەلەكتروندىق ۇكىمەت» ۆەب-پورتالى (www.e-gov.kz) ارقىلى وتىنىشتەر مەن قۇجاتتار قابىلدايدى، دەپ جازادى باسقارمانىڭ رەسمي  سايتى.

ۆەب-پورتال ارقىلى قۇجاتتاردى وتكىزۋ ءۇشىن «حالىققا قىزمەت كورسەتۋ ورتالىعى» دەپارتامەنتىندە  (حقكو) ەلەكتروندى ساندىق قولتاڭبانى (ەسق) الۋ قاجەت.

الماتى قالاسىنىڭ الاتاۋ اۋدانىنداعى «سايالى» شاعىناۋدانىندا ساتىپ الۋ مۇمكىندىگى بار جالعا بەرىلەتىن 6 پاتەرلەردى ىسكە اسىرۋ جوسپارلانۋدا (ءبىر بولمەلى – 4، ءۇش بولمەلى – 2).

ءبىر شارشى مەتردى ساتىپ الۋدىڭ باعاسى 120 000 تەڭگەنى قۇرايدى.

جاس وتباسىلارعا ارنالعان تۇرعىن ءۇيدى الۋعا ەكى جىل نەكەدە تۇرعان، جۇبايلاردىڭ ەكەۋىنىڭ دە جاسى 29-دان اسپاعان (باعدارلاماعا قاتىسۋعا ءوتىنىش بەرۋ ساتىندە) جاس وتباسى، سونداي-اق بالالارىنىڭ (بالاسى) جاسى 29-عا تولماعان، ونىڭ ىشىندە اجىراسقان، جەسىر/تۇل قالعان، اتا-انانىڭ بىرەۋى عانا تاربيەلەپ وتىرعان تولىق ەمەس وتباسىلار ۇمىتكەرلەر بولا الادى.

باعدارلاماعا الماتى قالاسىندا تۇراقتى تىركەۋدە تۇرعان، باسىندا ءۇيى جوق ازاماتتار قاتىسا الادى.

ۇمىتكەرلەر باللدىق ەسەپتەۋ ارقىلى ىرىكتەلەدى. ءبىرىنشى بالا ءۇشىن – 20 بالل، ەكىنشى جانە كەيىنگى ءاربىر بالا ءۇشىن 30 بالل، مۇگەدەك نەمەسە قازاقستان رەسپۋبليكاسىنىڭ ۇكىمەتى بەكىتكەن تىزبەگە سايكەس كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن وتباسىنىڭ ءاربىر مۇشەسى ءۇشىن – 10 بالل، جەتىم بالالار جانە كامەلەتكە تولعانعا دەيىن اتا-انالارىنان ايىرىلعان، اتا-اناسىنىڭ قامقورلىعىنسىز قالعان جيىرما توعىز جاسقا تولماعان بالالار ساناتىنا جاتاتىن ەرلى-زايىپتىلاردىڭ ءارقايسىسى ءۇشىن – 10 بالل بەرىلەدى.

باعدارلامانىڭ پۋلىنا قوسۋ كەزەكتىلىگى جيناعان بالدىڭ سانىمەن ايقىندالادى. بالل تەڭ بولعان كەزدە ءوتىنىش بەرۋشى جۇبايىنىڭ بىرەۋى مەملەكەتتىك قىزمەتشىگە نە بيۋدجەتتiك ۇيىمداردىڭ جانە ءبىلىم بەرۋ، دەنساۋلىق ساقتاۋ، مادەنيەت، سپورت جانە حالىقتى الەۋمەتتىك قورعاۋ سالاسىنداعى مەملەكەتتىك كاسىپورىنداردىڭ قىزمەتكەرلەرىنە جاتاتىن وتباسى باسىمدىققا يە بولادى.

تۇرعىن ءۇيىن الۋعا ۇمىتكەرلەر مىناداي قۇجاتتاردى ۇسىنۋى قاجەت:

1. بەلگىلى ءبىر پاتەر تۇرىنە ارنالعان ءوتىنىش (بۇدان ءارى – ءوتىنىش)؛

2. ءوتىنىش بەرۋشى مەن ونىڭ وتباسى مۇشەلەرىنىڭ جەكە باسىن كۋالاندىراتىن قۇجات؛

3. ءوتىنىش بەرۋشىنى جانە ونىمەن تۇراقتى بىرگە تۇراتىن وتباسى مۇشەلەرىن تۇرعىلىقتى جەرى بويىنشا تىركەۋ تۋرالى مەكەنجاي انىقتاماسى؛

4. نەكە قيۋ/نەكەنى بۇزۋ، جۇبايىنىڭ/زايىبىنىڭ قايتىس بولۋى، بالالاردىڭ تۋۋ تۋرالى كۋالىكتەرى، ءوتىنىش بەرۋشىنىڭ نەكەدە تۇرمايتىندىعى تۋرالى نوتاريات كۋالاندىرعان ءوتىنىش؛

5. ءوتىنىش بەرۋشىنىڭ جانە ونىمەن تۇراقتى بىرگە تۇراتىن وتباسى مۇشەلەرىنىڭ قازاقستان رەسپۋبليكاسىنىڭ اۋماعى بويىنشا مەنشىك قۇقىعىنداعى ءۇيىنىڭ نەمەسە ساتىپ الۋ مۇمكىندىگىمەن بەرىلەتىن تۇرعىن ءۇيىنىڭ بار نەمەسە جوق ەكەنى تۋرالى انىقتاما؛

6. جىلجىمايتىن مۇلىككە تىركەلگەن قۇقىقتار جانە ونىڭ تەحنيكالىق سيپاتتامالارى (بالشىقتان قۇيىلعان جانە قاڭقالى-قامىستى تۇرعىن ۇيدەگى، جاتاقحاناداعى بولمەدە ۇلەسى بولعان كەزدە) تۋرالى انىقتاما، سونداي-اق اتالعان جاعدايلاردا مەنشىك قۇقىعىنىڭ تۋىنداۋىن راستايتىن قۇجاتتار؛

7. ءوتىنىش بەرۋشىنىڭ باسقا ادامدارىن وتباسى مۇشەلەرى رەتىندە تانۋ تۋرالى سوت شەشىمى؛

8. جالاقى تۋرالى انىقتاما؛

9. كەزەكتىلىك ءنومىرىن نەمەسە بىرەگەي ءنومىردى كورسەتە وتىرىپ تۇرعىن ۇيگە مۇقتاج (باعدارلاماعا قاتىسۋعا ءوتىنىش بەرگەن كەزدە) ەسەبىنە قويۋ تۋرالى مالىمەتتەر؛

10. مەنشىكتى قاراجات جانە (نەمەسە) قارىز قاراجاتى ەسەبىنەن تۇرعىن ءۇيدى ساتىپ الۋعا دايىن ەكەندىگى تۋرالى ءوتىنىش؛

11. «تۇرعىن ءۇي قاتىناستارى تۋرالى» زاڭىنىڭ 67-بابىندا ايقىندالعان ساناتتارعا ءوتىنىش بەرۋشىنىڭ قاتىسىن راستايتىن قۇجاتتار؛

12. ءوتىنىش بەرۋشىنىڭ جانە/نەمەسە ءوتىنىش بەرۋشى جۇبايىنىڭ (زايىبىنىڭ) مەملەكەتتىك مەكەمەلەردە، بيۋدجەتتىك ۇيىمداردا نەمەسە ءبىلىم بەرۋ، دەنساۋلىق ساقتاۋ، مادەنيەت، سپورت جانە حالىقتى الەۋمەتتىك قورعاۋ سالاسىنداعى مەملەكەتتىك كاسىپورىنداردا قىزمەتىن جۇزەگە اسىرعان كەزدە جۇمىس ورنىنان انىقتاما؛

13. وتباسى مۇشەسىنىڭ مۇگەدەكتىگىن نەمەسە كەيبىر سوزىلمالى اۋرۋلاردىڭ اۋىر ءتۇرىن راستايتىن انىقتاما؛

14. ءوتىنىش بەرگەن كۇنگە كەمىندە سوڭعى ەكى جانە ودان كوپ جىل الماتى نەمەسە استانا قالالارىندا تۇرۋ فاكتىسىن راستايتىن قۇجات؛

15. ءوتىنىش بەرۋشىنىڭ نەمەسە ونىڭ جۇبايىنىڭ (زايىبىنىڭ) «كامەلەتكە تولعانعا دەيىن اتا-انالارىنان ايىرىلعان، جيىرما توعىز جاسقا تولماعان جەتiم بالالار مەن اتا-اناسىنىڭ قامقورلىعىنسىز قالعان جەتىم بالالار مەن بالالار» مارتەبەسىن راستاۋىنا ارنالعان قۇجاتتار؛

16. تۇرعىن ءۇي قۇرىلىسىنىڭ 2005 – 2007 جىلدارعا جانە قازاقستان رەسپۋبليكاسىندا تۇرعىن ءۇي قۇرىلىسىن دامىتۋدىڭ 2008 – 2010 جىلدارعا ارنالعان مەملەكەتتىك باعدارلامالارى شەڭبەرىندە «جاس وتباسى» ساناتى بويىنشا ءوتىنىش بەرىلەتىن ورىن بويىنشا قاتىسۋ تۋرالى جانە بەلگىلەنگەن تالاپتارعا سايكەس كەلگەن كەزدە سالىنعان ۇيدە تۇرعىن ءۇي الۋشىلاردىڭ ءتيىستى تىزىمىنە ەنگىزىلمەگەنى تۋرالى مالىمەتتەر؛

17. تۇرعىن ءۇيدى تەحنيكالىق زەرتتەپ-قاراۋ جونىندەگى قورىتىندى جانە ءتيىستى جاو-نىڭ شەشىمى.