شتابتىڭ ماقساتى – حالىقپەن سىندارلى ديالوگ قۇرۋ، كەڭ اقپارات تاراتۋ ارقىلى ادالدىق قاعيداتتارىن دامىتۋ. بۇل تۋرالى اكىمدىكتىڭ باسپا ءسوز قىزمەتى حابارلادى.
شتاب تۇرعىنداردىڭ ءارتۇرلى توپتارى ءۇشىن ءتۇرلى تاسىلدەردى قولدانا وتىرىپ، اقپاراتتىق-ناسيحاتتاۋ جينالىستارىن وتكىزەدى. شتاب وكىلدەرى – رەجيسسەر ەرمەك تۇرسىنوۆ، قوعام قايراتكەرى ىرزا تۇرسىنزادا جانە سىبايلاس جەمقورلىققا قارسى قىزمەتتىڭ وكىلى ارمان بەردالين قالانىڭ ءبىرقاتار جوعارى وقۋ ورىندارىندا بولىپ، الماتى قالاسى اكىمدىگى مەن پوليسيا دەپارتامەنتىنىڭ قىزمەتكەرلەرىمەن كەزدەستى. سونىمەن قاتار شتاب وكىلدەرى ايماقتىق اقپاراتتىق شتاب مۇشەلەرىمەن جۇزدەستى.
– جۇرگىزىلىپ جاتقان ءاقپاراتتىق-تۇسىندىرۋ جۇمىستارى حالىقتىڭ قۇقىقتىق ساۋاتتىلىعىن ارتتىرۋعا جانە سىبايلاس جەمقورلىققا ورىن جوق مەملەكەت قۇرۋداعى ازاماتتىق قوعامنىڭ كۇش-جىگەرىن شوعىرلاندىرۋعا مۇمكىندىك بەرەدى، – دەدى كەزدەسۋ بارىسىندا شتاب جەتەكشىسى ىرزا تۇرسىنزادا.
پىكىر قالدىرۋ