الماتى اكىمدىگى كاسىپكەرلىك قىزمەتكە الماتىلىقتاردى كەڭىنەن تارتۋعا باسا نازار اۋدارماق. بۇل تۋرالى قالا اكىمى ب.ساعىنتايەۆ وكق-دە وتكەن بريفينگتە مالىمدەدى.

شاعىن جانە ورتا كاسىپكەرلىك جۇمىس ىستەيتىن 2/3 الماتىلىقتى جۇمىسپەن قامتاماسىز ەتەدى جانە جينالعان سالىقتاردىڭ 63%-ىن اكەلەدى. قالا ەكونوميكاسىنداعى شوب-تىڭ ءرولى شاعىن بيزنەستىڭ كتس جەرگىلىكتى بيۋدجەتكە بەرىلگەننەن بەرى ماڭىزى ارتتى.

«كاسىپكەرلىكتى دامىتۋدىڭ جاڭا «الماتى بيزنەس 2025» ءبىرىڭعاي وڭىرلىك باعدارلاماسى ازىرلەندى. قالانىڭ بەس اۋدانىندا «Qoldaý» كاسىپكەرلىك ورتالىقتارىنىڭ بولىمشەلەرى قۇرىلدى. مۇندا بيزنەسمەندەر «ءبىر تەرەزە» قاعيداتى بويىنشا مەملەكەتتىك قىزمەتتىڭ 525 ءتۇرىن الا الادى. بۇل – كورسەتىلەتىن قىزمەتتەردىڭ مەرزىمىن قىسقارتىپ، قولجەتىمدىلىگىن ارتتىرادى»، –  دەپ اتاپ ءوتتى قالا اكىمى باقىتجان ساعىنتايەۆ.

بيزنەس ءۇشىن قارجى رەسۋرستارىنىڭ قولجەتىمدىلىگىن ارتتىرۋ ماقساتىندا «الماتى» اكك بازاسىندا جالپى كاپيتالى 2019 جىلى 3 ملرد. تەڭگە بولعان AlmatyFinance كومپانياسى جانە «Almaty» ميكروقارجى ۇيىمى قۇرىلدى.

بۇل رەتتە قالانى تەڭگەرىمدى دامىتۋ ءۇشىن سارالانعان مولشەرلەمە قولدانىلادى: كوپبالالى ءارى از قامتىلعان وتباسىلار مەن ونەركاسىپتىك پاركتەردىڭ رەزيدەنتتەرى ءۇشىن 2%، ال قالعان اۋداندار ءۇشىن 7%. شوب جوبالارىن ەكىنشى دەڭگەيلى بانكتەر ارقىلى قارجىلاندىرۋ ءۇشىن «دامۋ» قورىمەن بىرلەسىپ تەپە-تەڭ نەگىزدە قوسىمشا 2 ملرد. تەڭگە ءبولىندى. كەلەسى جىلى وسى باعىت شەڭبەرىندە تاعى 10 ملرد تەڭگە ءبولۋ جوسپارلانۋدا. سونىمەن قاتار، جىل باسىنان بەرى مەملەكەتتىك باعدارلامالار (بجك-2020، اوك) اياسىندا 554 شوب جوباسى قارجىلاندىرىلدى، 4،4 ملرد تەڭگە كولەمىندە سۋبسيديا تولەندى. «جالپى، شوب قارجىلىق قولداۋدىڭ جالپى كولەمىن اعىمداعى جىلى 4،5 ملرد تەڭگە، كەلەسى جىلدان باستاپ 30 ملرد تەڭگەگە دەيىن جەتكىزۋ جوسپارلانىپ وتىر»، – دەپ اتاپ ءوتتى قالا اكىمى ب. ساعىنتايەۆ.

جاڭا باستاعان كاسىپكەرلەر ءۇشىن، سونداي-اق الەۋمەتتىك وسال ساناتتارعا ءتۇرلى فورماتتاعى وقىتۋ كۋرستارى وتكىزىلەدى. قىركۇيەك ايىنان باستاپ موتيۆاسيالىق كۋرستار باستالدى. وقۋلار اعىمداعى جىلدىڭ سوڭىنا دەيىن 75 مىڭ ادامدى، ال كەلەسى جىلى 200 مىڭ ادامدى قامتىماق.

«باستاۋ بيزنەس»، «جاس كاسىپكەر»، «IskerAna» قالالىق وقىتۋ باعدارلامالارى بەلسەندى ىسكە اسىرىلۋدا. 2000-نان استام كوپبالالى انا كاسىپكەرلىك كۋرستارىنان ءوتتى. ءوز ءىسىن اشۋ ءۇشىن 155 ادام گرانت پەن 77 قۇرال-جابدىق الدى. وسىلايشا 230 كوپبالالى انا ءوز ءىسىن باستادى.

جىل سوڭىنا دەيىن كوپبالالى انالارعا مىڭنان استام گرانت جانە جىلدىق ۇستەمەسى 2% بولاتىن 150-گە جۋىق جەڭىلدەتىلگەن شاعىن نەسيە بەرۋ جوسپارلانىپ وتىر. بۇل جۇمىس العاشقى ناتيجەسىن بەرىپ ۇلگەردى. جۇمىس ىستەپ تۇرعان شوك سۋبەكتىلەرىنىڭ سانى 10 ايدا 8،9%-عا ءوسىپ، 190 مىڭنان استام ادامدى قۇرادى.