وكق-دا وتكەن بريفينگتە قالا اكىمى باقىتجان ساعىنتايەۆ قالا مەن ءاربىر الماتىلىقتىڭ ءال-اۋقاتىن ارتتىرۋ ءۇشىن مىقتى ەكونوميكالىق بازانىڭ قۇرىلۋى تۋرالى مالىمدەدى.

مەگاپوليستى دامىتۋدىڭ ستراتەگيالىق جوسپارىنداعى باستى باعىتتاردىڭ ءبىرى – الماتىداعى ەكونوميكانىڭ قۇرىلىمدىق رەفورماسى بولىپ تابىلادى. بۇگىندە قالا ەكونوميكاسىنىڭ 30%-عا جۋىعىندا كوتەرمە جانە بولشەك ساۋدا كوش باستاپ تۇر. سودان كەيىن جىلجىمايتىن مۇلىك وپەراسيالارى شامامەن 10% جانە قارجىلىق وپەراسيالار – 9%. ونەركاسىپ، قۇرىلىس، الەۋمەتتىك ەكونوميكا جانە جاڭا يندۋستريانىڭ ۇلەسى شامالى.

«مۇنداي جاعدايدا قالا تەز دامىمايدى. بۇل قالانىڭ ەكونوميكالىق جۇيەسىنىڭ ءالسىز تۇستارى. سوندىقتان ءبىز جاڭا تەحنولوگيالىق بۋىن تاۋارلارى مەن قىزمەتتەرىنىڭ پايداسىنا قۇرىلىمدىق رەفورمالارعا بارامىز»، – دەدى قالا اكىمى باقىتجان ساعىنتايەۆ.

ايتۋىنشا، باستى تۇتاس قۇرىلىمدىق مانيەۆر قالا مەن ءاربىر الماتىلىقتىڭ ءال-اۋقاتىن ارتتىرۋ ءۇشىن بەرىك ەكونوميكالىق بازا قۇرۋ بولىپ تابىلادى.

ەستەرىڭىزگە سالا كەتەيىك، بۇعان دەيىن الماتىدا وتكەن AlmatyInvestment Forum-2019-دا الداعى جىلدارى «الماتى-2050» ستراتەگياسىنا سايكەس الماتىدا ەكونوميكانىڭ قانداي سالالارى قارقىندى داميتىنىن اتاپ وتكەن بولاتىن. بىرىنشىدەن، مەگاپوليستىڭ جاھاندىق ىسكەرلىك ورتالىق، جاڭا جىبەك جولىنداعى كولىك-لوگيستيكالىق جانە تۋريستىك ايماق رەتىندە قالىپتاسۋى ماقساتىندا وڭىرلىك جانە حالىقارالىق نارىقتاردا كورسەتىلەتىن قىزمەتتەرى تالاپ ەتىلەتىن ءبىلىم مەن جوعارى بىلىكتىلىكتى تالاپ ەتەتىن سالالار داميتىن بولادى. بۇل – قارجى جانە ساقتاندىرۋ، اقپاراتتىق-كوممۋنيكاسيالىق تەحنولوگيالار، لوگيستيكا جانە ديستريبۋسيا. ەكىنشىدەن، الماتى قالاسىنىڭ قۇرىلىس كەشەنى – تۇرعىن ءۇي جىلجىمايتىن مۇلىك، مەديسينالىق جانە ءبىلىم بەرۋ ينفراقۇرىلىمى، جول قۇرىلىسى مەن كوممۋنالدىق شارۋاشىلىق، دەمالىس جانە ويىن-ساۋىق وبەكتىلەرى ينۆەستيسيالار ءۇشىن تارتىمدى بولىپ تابىلادى. ۇشىنشىدەن، الماتىنىڭ ەكونوميكالىق ءوسۋىنىڭ ماڭىزدى درايۆەرى بولىپ الەۋمەتتىك ەكونوميكا بولىپ تابىلادى. ەڭ الدىمەن، اڭگىمە ءبىلىم بەرۋ جانە دەنساۋلىق ساقتاۋ سالالارى تۋرالى بولىپ وتىر.

تورتىنشىدەن، الماتى ەكونوميكاسىنىڭ ءوسۋ درايۆەرى رەتىندە تۋريزم بولىپ قالا بەرەدى.

وتكەن جىلى مەگاپوليسكە ميلليوننان استام ادام كەلدى. تۋريستىك سالا وقيعالىق، ىسكەرلىك، سپورتتىق، ساۋىقتىرۋ جانە مادەني – ءبىلىم بەرۋ ءتۋريزمىن قوسا العاندا، تۋريزم يندۋسترياسىنىڭ قازىرگى زامانعى قاعيداتتارى نەگىزىندە داميتىن بولادى. الەمدىك مەگاپوليستەردىڭ تاجىريبەسى تۋراعىنداردىڭ قايدا باراتىنىن، وندا قانداي ينۆەستيسيالار قۇيىلاتىنىن كورسەتتى. 2050 جىلعا قاراي قالانىڭ جوو-دەگى تۋريزم ۇلەسى 6%-عا جەتۋى ءتيىس.

بەسىنشىدەن، الماتى جوسپارلاۋ مەن قۇرىلىس سالۋدا، تۇرعىن ءۇي مەن كوممۋنالدىق قىزمەتتەردى قامتاماسىز ەتۋدە، قاۋىپسىزدىك، كولىك، ءبىلىم بەرۋ، حالىقتىڭ دەنساۋلىعى سالالارىندا، قالانى قالالىقتارمەن بىرلەسىپ باسقارۋدا ۇزدىك الەمدىك سمارت-تاجىريبەلەردى قولداناتىن «اقىلدى قالا» رەتىندە داميتىن بولادى. قالا ەكونوميكاسىنىڭ جاڭا يندۋسترياسىن سيفرلاندىرۋعا ەلەۋلى ۇلەس جاسالادى؛ ەلەكتروندى كوممەرسيا مەن تولەمدەر، بلوك، ينتەرنەت-زاتتار، ۇلكەن دەرەكتەر جانە ت. ب. سياقتى پەرسپەكتيۆالى سالالاردى دامىتۋ ءۇشىن پلاتفورمالار قۇرۋ.

التىنشىدان، الماتى – بۇكىل الەمنىڭ ينۆەستيسيالارى مەن تالانتتارىن وزىنە تارتاتىن «ءبىلىم ەكونوميكاسى» يننوۆاسيالار مەن جاڭا يندۋستريالار ورتالىعى رەتىندە داميتىن بولادى.

ءبىزدىڭ قالامىزدا الەۋەتى جوعارى سەگىز نەگىزگى كرەاتيۆتى يندۋستريا انىقتالدى.