بيىلعى 5-6 جەلتوقساندا قازاقستان پرەزيدەنتى قاسىم-جومارت توقايەۆ گەرمانيا فەدەراتيۆتىك رەسپۋبليكاسىنا رەسمي ساپارمەن بارادى دەپ جازادى Qamshy.kz اقپارات اگەنتتىگى. بۇل تۋرالى توقايەۆتىڭ باسپا ءسوز حاتشىسى بەرىك ءۋالي حابارلادى.
"ساپار بارىسىندا كانسلەر انگەلا مەركەلمەن كەلىسسوز جۇرگىزىلەدى جانە قازاقستان مەن گەرمانيا اراسىنداعى ەكىجاقتى ءوزارا قارىم-قاتىناستاردىڭ قازىرگى جاعدايى مەن دامۋ پەرسپەكتيۆالارىن قاراستىرادى دەپ جوسپارلانعان. ساپار باعدارلاماسىنا مەملەكەت باسشىسىنىڭ پرەزيدەنت فرانك-ۆالتەر شتاينمايەرمەن جانە بۋندەستاگ ءتوراعاسى ۆولفگانگ شويبلەمەن كەزدەسۋى ەنگىزىلگەن.
قاسىم-جومارت توقايەۆ 6 جەلتوقساندا بەرليندە كورنەكتى ساياسي جانە قوعام قايراتكەرلەرىنىڭ، گەرمانيانىڭ مەملەكەتتىك ورگاندارى وكىلدەرىنىڭ، «گەرمانيا – ورتالىق ازيا» پارلامەنتتىك دوستىق توبى مۇشەلەرىنىڭ الدىندا ءسوز سويلەيدى، بەرلين ەۋرازيالىق كلۋبىنىڭ 28-وتىرىسىنا قاتىسادى. سونداي-اق، نەمىس كومپانيالارىنىڭ باسشىلارىمەن كەزدەسۋ وتكىزەدى"، - دەپ جازدى بەرىك ءۋالي.
پىكىر قالدىرۋ