پرەزيدەنت ق.توقايەۆ "نەمسوۆا. ينتەرۆيۋ" باعدارلاماسىنا سۇحبات بەردى، دەپ جازادى Qamshy.kz اقپارات اگەنتتىگى dw.com سايتىنىڭ دەرەگىن نەگىزگە الىپ. سۇحبات بارىسىندا جۋرناليست پرەزيدەنتىڭ نازاربايەۆپەن قارىم-قاتىناسى قانداي ەكەنىن سۇرادى .
"نۇرسۇلتان نازاربايەۆ قر-نىڭ نەگىزىن قالاۋشى، ءبىزدىڭ "اكەمىز" سەكىلدى. ەلباسى رەتىندە زور قۇرمەتكە لايىق. مەن زاڭدى تۇردە سايلانعان پرەزيدەنت، مەملەكەت باسشىسى، جوعارعى باس قولباسشىمىن. ءبىزدىڭ ارامىزدا ەشقانداي قاراما-قايشىلىق جوق. بىر-بىرىمىزبەن اقىلداسا وتىرىپ شەشىم قابىلدايتىنىمىزدى، مەنىڭ ەلباسىدان كەڭەس سۇرايتىنىمدى جاسىرمايمىن. بۇل جەردە قوس بيلىك جوق"، - دەدى توقايەۆ.
سونداي-اق توقايەۆ ەلوردانىڭ اتاۋىن وزگەرتۋگە قاتىستى دە پىكىر ءبىلدىردى.
"ول ەلىمىزدىڭ نەگىزىن قالاۋشى اكەسى. ءبىز ونىڭ ەڭبەگى مەن اتقارعان جۇمىسىنا لايىق باعا بەرىپ، قۇرمەت كورسەتۋىمىز كەرەك. بۇل جەردە ارتىق ەشتەڭە جوق. نازاربايەۆتىڭ ءوزى قالانىڭ نەمەسە باسقا دا وبەكتىلەردىڭ اتاۋىن وزگەرتۋگە قارسى بولدى"، - دەپ پىكىر ءبىلدىردى پرەزيدەنت.
پىكىر قالدىرۋ