قاسىم-جومارت توقايەۆ حالىقارالىق «قازاق ءتىلى» قوعامىنىڭ نەگىزىن سالۋشىلاردىڭ ءبىرى، كورنەكتى عالىم، ۇلتتىق عىلىم اكادەمياسىنىڭ اكادەميگى ءومىرزاق ايتبايەۆتىڭ دۇنيە سالۋىنا بايلانىستى ونىڭ وتباسىنا كوڭىل ايتۋ جەدەلحاتىن جولدادى دەپ جازادى Qamshy.kz اقپارات اگەنتتىگى اقوردانىڭ دەرەگىن نەگىزگە الىپ.
«ءومىرزاق ايتباي ۇلى تاۋەلسىزدىكتىڭ العاشقى كۇندەرىنەن باستاپ مەملەكەتتىك ءتىلدىڭ مارتەبەسىنىڭ ارتۋىنا ولشەۋسىز ۇلەس قوستى. ول قازاق تەرمينولوگياسىنىڭ دامۋىنا، ءتىل ءبىلىمى ماماندارىنىڭ جاڭا بۋىنىن قالىپتاستىرۋعا زور ەڭبەك سىڭىرگەن ۇلاعاتتى ۇستاز جانە ءىرى عالىم ەدى. قازاق زيالىلارىنىڭ اراسىندا وزىندىك ورنى بار ءقادىرلى ءومىرزاق ايتباي ۇلىنىڭ عىلىمي مۇراسى ەل بولاشاعى مەن ۇلت يگىلىگىنە قىزمەت ەتە بەرەدى دەپ سەنەمىن»، – دەلىنگەن جەدەلحاتتا.
پىكىر قالدىرۋ