بۇل تۋرالى ەلباسى قورىنىڭ اتقارۋشى ديرەكتورى اسەت يسەكەشيەۆ نۇرسۇلتان نازاربايەۆتىڭ قابىلداۋىندا جەتكىزدى دەپ حابارلايدى «Qamshy.kz» اقپارات اگەنتتىگى «elbasy.kz» سايتىن دەرەككە الىپ.

كەزدەسۋ بارىسىندا اسەت يسەكەشيەۆ قور جانىنداعى الەمدىك ەكونوميكا جانە ساياسات ينستيتۋتىنىڭ قىزمەتى تۋرالى اقپارات بەرە كەلىپ:

– الەمدىك ەكونوميكا جانە ساياسات ينستيتۋتىنىڭ نەگىزىندە گەوساياسات، ەكونوميكا، ادام كاپيتالى، سونداي-اق، الەۋمەتتىك جانە ايماقتىق زەرتتەۋلەر جۇرگىزۋ ءۇشىن ستراتەگيالىق «ويلاۋ ورتالىعى» قۇرىلادى. ءبىز 20-دان استام كونفەرەنسيالار، دوڭگەلەك ۇستەلدەر مەن فورۋمدار وتكىزدىك،  – دەدى. 

وسىلايشا، اتى وبستراكتىلى ورتالىقتىڭ ناقتى ىستەيتىن ءىسىن دە بىلايعى جۇرتقا وبستراكتىلى كۇيدە قالدىردى اسەت يسەكەشيەۆ.

بۇدان بولەك، ول قوردىڭ الەۋمەتتىك جانە ءبىلىم بەرۋ سالالارىنداعى جوبالارىنىڭ ىسكە اسىرىلۋى تۋرالى بايانداپ، 2020 جىلعا ارنالعان جۇمىس جوسپارى تۋرالى مالىمەت ۇسىندى.

ونىڭ ايتۋىنشا، 2019 جىلى ۇيىم 95 جوبانى جۇزەگە اسىردى. ولاردىڭ قاتارىندا ءبىلىم جانە عىلىم سالاسىنداعى دارىندى جاستاردى قولداۋ جوبالارى بار. الەۋمەتتىك سالادا ءبىرقاتار جوبالار، سونىڭ ىشىندە قايىرىمدىلىق شارالارى دا جۇزەگە اسىرىلعان. سونىڭ اسەرىنەن 2019 جىلى قور جوبالارىنىڭ قامتۋ اياسى ايتارلىقتاي كەڭەيگەن.

«كەڭەيگەن» دەمەكشى، «قۇراۋدان» قۇر الاقان ەمەس قور قاتىسۋشى ادام سانىن دا قاتىرىپ جىبەرگەن. اتقارۋشى ديرەكتوردىڭ ءوز سوزىمەن تاپسىرلەسەڭىز «ءىس-شارالارعا قاتىسۋشىلاردىڭ جالپى سانى 460 مىڭ ادامدى قۇرادى» دەيدى ول.