بۇل تۋرالى ول قازاقستاندىق بەلسەندى ەرجان تۇرعىمبايمەن تەلەفون ارقىلى سويلەسۋ بارىسىندا ايتتى. بەلسەندى تەلەفونمەن بولعان اڭگىمەنى ۆيدەوعا ءتۇسىرىپ تۇرعان.
بايلانىستىڭ ناشارلىعىنان اڭگىمە قايتا-قايتا ۇزىلە بەردى. ەرجان تۇرعىمبايدىڭ سوزدەرى انىق ەستىلگەنىمەن، ايسۇلتان راحاتتىڭ سوزدەرى ەمىس-ەمىس قانا ەستىلىپ تۇردى.
ايسۇلتان راحات الدىمەن اتاسى - نۇرسۇلتان نازاربايەۆپەن سويلەسىپ الىپ، سودان كەيىن جەر جاھانداعى نازىك تاقىرىپتار بويىنشا اڭگىمە قوزعاعىسى كەلەتىنىن ايتتى.
ونىڭ ايتۋىنشا، ءبىر قاراعاندا كەز كەلگەن ادامعا ابسۋرد بولىپ كورىنەتىن ماگيانىڭ ساياساتتاعى مۇمكىندىگى وتە جوعارى.
"انام لاس ىستەردى جاسايتىن مىستاننىڭ ءوزى. ول عانا ەمەس بارلىق ساياساتكەرلەر سونىمەن اينالىسادى. ولار ماگيانىڭ كومەگىمەن مەنى وزگەرتكىسى كەلدى. ءبىراق قولدارىنان كەلمەدى. انام اكەمدى جەر جاستاندىرىپ، ونى اتاما جاپتى. وسى ارقىلى اتامدى ەۋروپانىڭ الدىندا ديكتاتور قىلىپ كورسەتۋگە تىرىستى. انام ۇزاق ۋاقىت بويى اتاممەن بايلانىس جاساۋعا كەدەرگى كەلتىرىپ، ناعىز اكەمنىڭ اتام - نۇرسۇلتان نازاربايەۆ ەكەنىن جاسىرىپ كەلدى" دەدى (13 مين).
قوعام بەلسەندىسىنىڭ "بۇنى قايدان ءبىلدىڭ" دەگەن سۇراعىنا ول "ءبىر ادام ايتتى" دەپ جاۋاپ بەردى. الايدا ول ادامنىڭ ەسىمىن اتامادى. وسى تۇستا بايلانىس ءۇزىلدى.
