ەلدىڭ باس سانيتار دارىگەرى جانداربەك بەكشين قىتايدىڭ ۋحان قالاسىنان جەتكىزىلگەن قازاقستاندىقتاردىڭ جاعدايى مەن ولارعا قولدانىلىپ جاتقان ەمدىك شارالار تۋرالى مالىمدەمە جاسادى.

2 اقپاندا قازاقستان ازاماتتارىنىڭ دەنساۋلىق قاۋىپسىزدىگىن قامتاماسىز ەتۋ ماقساتىندا ق ر دسم ۇلتتىق شۇعىل مەديسينا ۇيلەستىرۋ ورتالىعى ەلگە قىتايدىڭ ۋحان قالاسىندا جۇرگەن 83 قازاقستاندىقتى، ونىڭ ىشىندە 80 ستۋدەنتتى جەتكىزدى.

ۇشۋ بارىسىندا بارلىق قورعاۋ قۇرالدارىمەن قامتاماسىز ەتىلگەن قازاقستاندىق دارىگەرلەر ەرىپ ءجۇردى.

دەنساۋلىق جاعدايى تەكسەرىلگەننەن كەيىن، ەلگە ورالعان ازاماتتار قالادان 7 شاقىرىم جەردە ورنالاسقان ەلوردانىڭ كوپ سالالى اۋرۋحاناسىنىڭ جانىنداعى ينفەكسياعا قارسى ارنايى بولىنگەن كورپۋستا 14 كۇندىك كارانتينگە جاتقىزىلدى.

كلينيكا ينفەكسيالىق قاۋىپسىزدىكتىڭ قاجەتتى تەحنولوگيالارىمەن، زاماناۋي دياگنوستيكالىق، ەمدىك جانە رەانيماسيالىق قۇرالدارمەن جابدىقتالعان جانە ءتيىستى مەديسينالىق قىزمەتكەرلەرىمەن قامتاماسىز ەتىلگەن.

مەديسينالىق مەكەمەدە ەۆاكۋاسيالانعان ازاماتتار قوسىمشا تەكسەرۋدەن جانە ءبىرىنشى كەزەكتە كوروناۆيرۋستىق ينفەكسياعا تەستىلەۋدەن وتەدى.

https://www.youtube.com/watch؟v=E-GTaCRU9JI

كارانتين كەزەڭى كەزىندە ەلگە كەلگەن ادامدارمەن تەك اسا ءقاۋىپتى ينفەكسيالارمەن جۇمىس ىستەۋ تاجىريبەسى بار مەديسينالىق پەرسونال عانا بايلانىستا بولادى.

ەلگە جەتكىزىلگەن ازاماتتاردىڭ تۋعان-تۋىستارى مەن جاقىندارى حاباردار ەتىلدى جانە ولار كارانتيندىك كەزەڭنىڭ رەگلامەنتىمەن تانىستىرىلدى.

ەپيدەمياعا قارسى ءىس-شارالاردىڭ كۇشەيۋى باستالعاننان بەرى مونيتورينگپەن 19 مىڭعا جۋىق ادام قامتىلدى، ونىڭ 9،6 مىڭى ءقاۋىپ توندىرمەيتىن رەتىندە مونيتورينگتەن الىندى.

كلينيكالاردان 39 ادام شىعارىلعاننان كەيىن ءجىتى رەسپيراتورلىق ۆيرۋستىق ينفەكسيا بەلگىلەرمەن 41 ەمدەۋدەن وتۋدە.

84 ناۋقاس كوروناۆيرۋستى انىقتاۋ ءۇشىن اناليز تاپسىردى، ونىڭ 74ء-ى تەرىس ناتيجە، ال 11ء-ى تەكسەرىلۋدە.

بارلىق قاجەتتى اقپاراتتى 1406  نومەرى بويىنشا Call-سەنتردەن سۇراپ بىلۋگە بولادى.

ازاماتتاردى شىنايى ەمەس اقپاراتتى تاراتپاۋعا، رەسمي اقپارات كوزدەرىنە سەنۋگە شاقىرامىن.

بۇگىنگى تاڭدا قازاقستاندا كوروناۆيرۋستىق ينفەكسيالار تىركەلگەن جوق.

وسى جاعداي دەنساۋلىق ساقتاۋ مينيسترلىگىنىڭ ەرەكشە باقىلاۋىندا.

مەديا وكىلدەرىنە، بلوگەرلەرگە، بۇقارالىق اقپارات قۇرالدار وكىلدەرىنە، قوعام قايراتكەرلەرىنە قاۋىپسىزدىك ماقساتىندا، كارانتين وبەكتىسىندە بەينە نەمەسە فوتوسەمكا وتكىزۋگە، سۇحبات الۋعا قاتاڭ تىيىم سالىنعان. تۇسىنىستىكپەن قاراۋلارىڭىزدى سۇرايمىن.