نۇر-سۇلتانداعى جۇڭگو ەلشىلىگىنىڭ الدىندا جالعىز ادامدىق پيكەت ۇيىمداستىرعان الماتى تۇرعىنى بايبولات كۇنبولات ۇلى جۇڭگو بيلىگىنەن ءىنىسىن بوساتۋدى تالاپ ەتتى. بۇل تۋرالى azattyq.org حابارلادى.
بايبولاتتىڭ ايتۋىنشا، 1990 جىلعى ءىنىسى قۇلجا اۋدانىنا قاراستى قاراعاش اۋىلىندا ۇستالىپ، "قايتا ساياسي تاربيەلەۋ لاگەرىنە" قامالعان. سودان كەيىن بەلگىسىز ءبىر سەبەپتەرمەن 10 جىلعا باس بوستاندىعىنان ايىرىلعان.
بايبولات ءقازىر جۇڭگو بيلىگىنەن 702 تاۋلىك بويى ساياسي لاگەردە قاماۋدا وتىرعان ءىنىسىن شىعارۋدى تالاپ ەتۋدە. ءىنىسىنىڭ نە ءولى، نە ءتىرى ەكەنىنەن حابارى جوق بايبولات "ءىنىمدى قاماۋدان شىعارمايىنشا، پيكەت وتكىزۋىمدى جالعاستىرا بەرەمىن" دەدى.
جالعىز ادامدىق پيكەتتى التى پوليسيا قىزمەتكەرى باقىلىپ تۇرعان. ونىڭ بىرەۋى بايبولاتتى ۆيدەوعا تۇسىرگەن.
ەلشىلىك ىشىنەن ءبىر ادام شىعىپ، ونىمەن سويلەسكەن. بايبولاتتىڭ حاتىن قابىلداعان ەلشى، ءۇش كۇن ىشىندە جاۋاپ قايتاراتىنىن جەتكىزگەن.
پىكىر قالدىرۋ