دەموكراتيالىق پارتيا قۇرۋ بويىنشا ىنتالى توپ جاقتاستارى الماتى وبلىسى قاراساي اۋداندىق ىشكى ىستەر بولىمىندە ۇستالىپ وتىرعان قوعام بەلسەندىسى، ىنتالى توپ جەتەكشىسى جانبولات مامايدىڭ قاۋىپسىزدىگىنە الاڭداۋلى.
قاراساي اۋداندىق ىشكى ىستەر بولىمىندە جۇرگەن قامشى ءتىلشىسى بۇگىن كەشكە قاراي ۇستالعان قوعام بەلسەندىسىمەن ءالى دە بايلانىسۋ مۇمكىن بولماي وتىرعانىن حابارلادى.
ىشكى ىستەر ءبولىمى عيماراتىنا جانبولات مامايدى قولداۋعا 50-دەن استام ادام كەلگەن. سونداي-اق عيمارات ماڭىنا ارنايى جاساق وكىلدەرى دە كوپتەپ جينالعان.
قوعام بەلسەندىسىنىڭ جاقتاستارى مامايمەن سويلەستىرمەي، قورعاۋشىسىن ىشكە كىرگىزبەۋى سەبەپتى، ونىڭ قاۋىپسىزدىگىنە الاڭداۋشىلىق بىلدىرۋدە.
بۇعان دەيىن پوليسيانىڭ جانبولات مامايدى ۇستاپ الىپ كەتكەنى، ونىڭ جاقتاستارى ىنتالى توپ جەتەكشىسىن بوساتۋىن تالاپ ەتىپ، اشتىق جاريالاعانى حابارلانعان.
پىكىر قالدىرۋ