دەنساۋلىق ساقتاۋ ءمينيسترى ەلجان ءبىرتانوۆ مەديسينا قىزمەتكەرلەرىنە الەۋمەتتىك جەلىدەگى facebook پاراقشاسىندا العىسىن ءبىلدىرىپ، جازبا قالدىردى.
– ەلىمىزدىڭ سانيتارلىق-ەپيدەميولوگيالىق قىزمەتكەرلەرىنە، سانيتارلىق زەرتحانالاردىڭ قىزمەتكەرلەرىنە، كوروناۆيرۋس ينفەكسياسى بار دەپ كۇدىكتەلگەن ناۋقاستارعا كومەك كورسەتىپ جۇرگەن بارلىق مەديسينالىق قىزمەتكەرلەرگە، سونداي-اق، اۋرۋحانالارعا العىسىمدى بىلدىرەمىن. قانداي دا ءبىر قيىندىقتار مەن قاۋىپ-قاتەرگە قاراماستان وزدەرىڭىزدىڭ كاسىبي قىزمەتتەرىڭىزدى ابىرويمەن ورىنداۋدى جالعاستىرۋداسىزدار. سىزدەردىڭ جۇمىسقا دەگەن ادالدىقتارىڭىز بەن وتانسۇيگىشتىكتەرىڭىزدىڭ ارقاسىندا قازاقستان اتى شۋلى ءقاۋىپتى ىندەتكە قارسى تۇرا الادى دەپ سەنەمىن،– دەپ جازعان مينيستر پاراقشاسىندا.
