قىتايدىڭ چەندۋ قالاسىنىڭ 27 جاستاعى تۇرعىنى سياو ياو ءوزىنىڭ كوروناۆيرۋستى قالاي جۇقتىرعانى تۋرالى ايتىپ بەردى. بۇل تۋرالى ول ءوزىنىڭ الەۋمەتتىك جەلىدەگى پاراقشاسىندا جازدى. 

قىتايلىق ازامات ۆيرۋستى قاشان جانە قايدا جۇقتىرعانىن بىلمەيدى. ونىڭ ايتۋىنشا، ول كوروناۆيرۋستى حۋبەي پروۆينسياسىنىڭ سزينچجوۋ قالاسىندا جاڭا جىلدى قارسى الۋعا بارا جاتقان دا پويىزدا جۇقتىرعان بولۋى مۇكىن.

ياونىڭ سوزىنشە، ول ۋحاندا كوروناۆيرۋستىڭ ءورشۋى، ينفەكسيانىڭ تارالۋى تۋرالى ەستىگەن. وتباسىن قورعاۋ ءۇشىن ازامات جاڭا جىل كەزىندە ءوزى ءۇيىنىڭ جانىنداعى قوناقۇيگە جايعاسقان. كەيىننەن ونىڭ ۇيىنە ورالۋىنا مۇمكىندىگى بولمادى. ويتكەنى سول ۋاقىتتا حۋبەي پروۆينسياسىنىڭ كوپ بولىگىن كارانتيندە ۇستاعان.

ول 1 اپتاداي قوناق ۇيگە تۇراقتاپ، وندا كەسپە (لاپشا) تاعامدارىن جەيدى. ءبىر كۇنى ونىڭ كەنەتتەن ىستىعى كوتەرىلىەدى. ءبىراق ول كومەككە ەشكىمدى شاقىرمايدى. اۋرۋ سەيىلمەگەننەن كەيىن سياو ونلاين-دارىگەردىڭ كومەگىنە جۇگىنەدى. 

– مەن كەنەتتەن دەنە قىزىۋىمنىڭ كوتەرىلگەنىن سەزىپ، شارا قولدانۋعا كىرىستىم. دارىگەر جوعارعى تىنىس جولدارىندا ينفەكسيانىڭ بەلگىلەرى بولۋى مۇمكىن ەكەنىن ايتىپ، اۋرۋحاناعا بارۋعا كەڭەس بەردى،  – دەيدى قىتايلىق ازامات. 

كەيىننەن جۇڭگو ۇكىمەتى سياو تۇراقتاعان قوناق ءۇيدى جاۋىپ تاستاعان. سودان ول دوسىنىڭ ۇيىنە بارۋعا ءماجبۇر بولدى. سول ۋاقىتتا سياو قاتتى جوتەلمەن اۋىرىپ، دوسىنىڭ دا دەنە قىزۋى كوتەرىلىپ، ۋاقىتشا اۋرۋحاناعا جاتقىزىلعانىن حابارلادى. 

ول اقپاننىڭ 4ء-ى كۇنى كوروناۆيرۋس جۇقتىرعانىن بىلەدى. قازىرگى تاڭدا جاس جىگىت اۋرۋدان ايىعىپ، قالپىنا كەلدى. سياو ءارى قاراي كوروناۆيرۋستى زەرتتەۋ ءۇشىن قان تاپسىرۋدى جوسپارلاپ وتىرعانىن ايتتى.