نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا كوروناۆيرۋس جۇقتىرعان 14 جاڭا ناۋقاستىڭ جاي-كۇيى تۋرالى ايتىپ بەردى، دەپ حابارلايدى قازاقپارات.
– 14 ادامنىڭ بارلىعى ءبىر رەيسپەن كەلگەن جوق. بەس ادام – قالاداعى ينفەكسيالىق بلوكتىڭ ستاسيونارىندا جاتقان. قالعان 9 ادام – ەپيدەميولوگيالىق جاعدايى قولايسىز ەلدەردەن كەلگەن جولاۋشىلاردى تەكسەرۋ بارىسىندا تابىلدى. ونىڭ ىشىندە 4 ادام – باس سانيتارلىق دارىگەردىڭ قاۋلىسى بويىنشا ەپيدەميولوگيالىق جاعدايى قولايسىز دەپ تانىلعان يتاليا مەن وڭتۇستىك كورەيادان كەلگەن، – دەدى باسقارما باسشىسى بريفينگتە
ونىڭ ايتۋىنشا، ءبىر ناۋقاس جۇقپالى اۋرۋلار اۋرۋحاناسىندا ورتاشا دەڭگەيدەگى جەدەل رەسپيراتورلىق ۆيرۋستىق ينفەكسيا دياگنوزىمەن جاتقان. ونى قوسىمشا تەكسەرۋ بارىسىندا كوروناۆيرۋستىق ينفەكسيا تابىلدى جانە ەم تاعايىندالدى.
– بارلىعىنىڭ جاعدايى قاناعاتتانارالىق، كلينيكالىق بەلگىلەر جوق. بارلىعى نۇر-سۇلتان قالاسىنىڭ كوپبەيىندى مەديسينالىق ورتالىعىنىڭ ينفەكسيالىق ستاسيونارىنا جاتقىزىلدى، – دەدى س. قيسىقوۆا.
پىكىر قالدىرۋ