ۆەنگريا استاناسى بۋداپەشت قالاسىندا قازاقستاننىڭ ءبىر ازاماتى كوروناۆيرۋس جۇقتىردى. بۇل تۋرالى قازاقستان سىرتقى ىستەر مينيسترلىگى حابارلادى.
مينيسترلىك تاراتقان حابارلامادا ۆيرۋس جۇقتىرعان ايەل ادام ەكەنى ايتىلعان.
"16 ناۋرىزدا قازاقستاننىڭ ۆەنگرياداعى ەلشىلىگىنە قازاقستاننىڭ ءبىر ازاماتى كوروناۆيرۋس كۇدىگىمەن جەرگىلىكتى اۋرۋحانالاردىڭ بىرىنە جاتقىزىلعانى تۋرالى حابار ءتۇستى. جۇرگىزىلگەن مەديسينالىق تالداۋلاردىڭ ناتيجەلەرىنە سايكەس، ودان كوروناۆيرۋس تابىلدى. قازىرگى ۋاقىتتا ول ازاماتتىڭ دەنساۋلىعى تۇراقتى، اۋرۋحانادا ەمدەلىپ جاتىر. اتالعان جاعداي قازاقستاندىق ديپلوماتتاردىڭ ەرەكشە باقىلاۋىندا" دەلىنگەن ۆەدومستۆو تاراتقان حابارلامادا.
بۇعان دەيىن گەرمانيادا جۇرگەن قازاقستان ازاماتىنان دا ۆيرۋس تابىلعانى حابارلانعان. ال قازاقستاننىڭ وزىندە سوڭعى اقپارات بويىنشا، بارلىعى 27 ادامنان ۆيرۋس تابىلدى. ولاردىڭ 11ء-ى الماتىدا، قالعان 16-سى نۇر-سۇلتانداعى اۋرۋحانادا جاتىر.
پىكىر قالدىرۋ