قۇرمەتتى دوستار!
ءقازىر ازاماتتاردى كوروناۆيرۋسقا قاتىستى جەدەل ءارى سەنىمدى مالىمەتتەرمەن اقپاراتتاندىرۋ ەڭ ماڭىزدى ماسەلە. كەي ۋاقىتتا قوعامدى اقپاراتتاندىرۋ مەن قارىم-قاتىناستىڭ جەتكىلىكتى دارەجەدە ءتيىمدى بولماي جاتقانىن مويىنداۋ كەرەك. ءتۇرلى اقپارات قۇرالدارى، اسىرەسە مەسسەندجەرلەر ارقىلى جالعان اقپاراتتىڭ تارالۋى كوپتەگەن قيىندىقتار تۋىنداتۋدا.
وسى ورايدا، www.coronavirus2020.kz سايتىنىڭ ىسكە قوسىلعانىن حابارلايمىن.
بۇل رەسۋرستا توتەنشە جاعداي بويىنشا، كارانتين كەزىندەگى ءتارتىپ پەن مەملەكەتتىڭ كوروناۆيرۋسقا قارسى جاساپ جاتقان شارالارى جونىندە، سونداي-اق، جەلىدە تاراعان جالعان مالىمەتتەردى تەرىسكە شىعارۋ جانە ت.ب. بارلىق وزەكتى اقپاراتتار جيناقتالادى.
وعان قوسا، سايتتا اۋرۋدىڭ الدىن الۋ، بەلگىلەرى، اۋرۋدىڭ العاشقى بەلگىلەرى بايقالعاندا جاساۋ كەرەك ارەكەتتەردىڭ ەرەجەلەرى جاريالانعان جانە بۇل مالىمەتتەر ازاماتتار پايدالانىپ، تاراتۋ ءۇشىن ينفوگرافيكا، نۇسقاۋلىقتار تۇرىندە بەرىلگەن.
ازاماتتار ءۇشىن سايتتا ارنايى سۇراق-جاۋاپ ايدارى بولادى، ول جەردە ءاربىر پايدالانۋشى وزىنە قاجەتتى ساۋالىنا جاۋاپ الا الادى.
سىزدەردەن وسى مالىمەتتى تاراتۋدى جانە سەنىمدى اقپارات كوزدەرىنە عانا جۇگىنۋدى سۇرايمىن.
داۋرەن ابايەۆ
Facebook پاراقشاسىنان
پىكىر قالدىرۋ