ەرجان قالىمباي ۇلى اتىراۋ وبلىسى اكىمىنىڭ باسپا ءسوز حاتشىسى – باسپا ءسوز قىزمەتىنىڭ جەتەكشىسى بولىپ تاعايىندالدى.

ەرجان قالىمباي ۇلى – ق ر جۋرناليستەر وداعىنىڭ مۇشەسى. ءبىلىمى – جوعارى، تۇرىك، اعىلشىن تىلدەرىن بىلەدى.

ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «جۋرناليستيكا» ماماندىعى بويىنشا ۇزدىك بىتىرگەن. كەيىن اتالعان ۋنيۆەرسيتەتتە سول ماماندىق بويىنشا ماگيستراتۋرا وقىعان. قاراعاندى «فەميدا» زاڭ اكادەمياسىندا «زاڭگەر» ماماندىعى بويىنشا ءبىلىم العان. ىستانبۇل (تۇركيا) ۋنيۆەرسيتەتىنىڭ دوكتورانتى.

ەڭبەك جولىن قاراعاندى وبلىستىق «ورتالىق قازاقستان» گازەتىندە قاتارداعى تىلشىلىكتەن باستاعان. ودان كەيىن «قازاقستان رترك» اق قاراعاندى وبلىستىق فيليالى جاڭالىقتار قىزمەتىندە رەداكتور ءارى باعدارلاما جۇرگىزۋشىسى، «ايقىن» رەسپۋبليكالىق قوعامدىق-ساياسي گازەتىنىڭ استاناداعى ءتىلشىسى، «حابار اگەنتتىگى» اق جاڭالىقتار مەن اقپاراتتىق باعدارلامالار ديرەكسياسىنىڭ ءتىلشىسى، «قازاقستان رترك» اق اقپاراتتىق-ساراپتامالىق باعدارلامالار ديرەكسياسىنىڭ ءتىلشىسى، «جەبە» رەسپۋبليكالىق قوعامدىق-ساياسي گازەتىنىڭ تۇركياداعى ءتىلشىسى، حالىقارالىق تۇركى اكادەمياسىنىڭ ءباسپاسوز-حاتشىسى، «Qazaq radiosy» «ءبىزدىڭ پايىم» اناليتيكالىق-ساراپتامالىق باعدارلاماسىنىڭ جۇرگىزۋشىسى، «ULYS» حالىقارالىق ديدجيتال جۋرنالى مەن ulys.kz اقپارات-ساراپتاما سايتىنىڭ نەگىزىن قالاۋشى ءارى باس رەداكتورى بولىپ قىزمەت ەتكەن.

سوڭعى جۇمىسى – «قازاقستان رترك» اق «اpta» اقپاراتتىق-ساراپتامالىق باعدارلاماسىنىڭ رەداكتور-اناليتيگى.

تۇركياداعى قازاق جاستارىنىڭ «Sana» ينتەللەكتۋالدىق كلۋبىنىڭ (2011-2013) جەتەكشىسى. اقش-تىڭ IVLP (The International Visitor Leadership Program) باعدارلاماسىنىڭ تۇلەگى. تۇركيا، فرانسيا جانە قىرعىزستان ەلدەرىندە جۋرناليستيكاعا قاتىستى ارنايى كۋرستار وقىعان.